ٶزٸڭٸزگە قىزمەت كٶرسەتٸلەتٸن بانكتەگٸ تەحنيكالىق ٸركٸلٸستەرگە بايلانىستى قاراپايىم بانك وپەراتسييالارىن جٷرگٸزە الماساڭىز, ەڭ باستىسى جاعدايدى وبەكتيۆتٸ تٷردە باعالاپ الىڭىز. وسىعان وراي Fingramota حالىقتىڭ قارجى ساۋاتىن ارتتىرۋ جوباسى بٸرقاتار كەڭەس بەرەدٸ.
تەحنيكالىق ٸركٸلٸستەر - جەكە كومپانييا بولسىن, مەملەكەتتٸك ورگاندار بولسىن نەمەسە ەكٸنشٸ دەڭگەيدەگٸ بانك بولسىن ەر ۇيىمدا بولاتىن جاعداي.
مۇندايدا سابىرلىق ساقتاپ, بٸرنەشە قاراپايىم قاعيداتتاردى باسشىلىققا العانىڭىز جٶن.
سٸزدٸڭ «قارجىلىق قاۋٸپسٸزدٸك جاستىقشاڭىز» بولۋى تيٸس
ٶمٸردە شۇعىل اقشا قاجەت بولىپ قالاتىن تٷرلٸ كٶزدەلمەگەن جاعدايلار بولىپ تۇرادى. ەگەر شۇعىل تٷردە اقشا الۋ كەرەك بولعان كەزدە ٶزٸڭٸزگە قىزمەت كٶرسەتەتٸن بانكتەگٸ تەحنيكالىق ٸركٸلٸس سٸزدٸ رەنجٸتۋٸ مٷمكٸن. سوندىقتان دا بانكتٸڭ جۇمىسىنداعى ٸركٸلٸستەردٸڭ سالدارىنان بولاتىن قارجىلىق قيىندىقتاردان ٶزٸڭٸزدٸ ٸشٸنارا ساقتاۋ ٷشٸن «قارجىلىق قاۋٸپسٸزدٸك جاستىقشاسىنىڭ» بولۋىنا كٶڭٸل اۋدارعان ماڭىزدى.
تٷرلٸ بانكتٸڭ كەمٸندە 2 بانك كارتاسىنىڭ بولعانى دۇرىس, ولاردىڭ ەرقايسىسىنا قاراجاتتىڭ قورىن ساقتاپ قويۋعا بولادى. وسىلايشا, سٸز قارجى ۇيىمدارىنىڭ بٸرٸندە تۋىنداعان تەحنيكالىق قيىندىقتاردى سابىرلىقپەن ٶتكٸزە الاسىز. سونىمەن قاتار, تٷسكٸ اس ٸشۋ, جولاقىسىن تٶلەۋ جەنە ازداعان ازىق-تٷلٸك ساتىپ الۋ ٷشٸن اقشا شۇعىل قاجەت بولىپ قالاتىن جاعداي ٷشٸن قولما-قول اقشا تٷرٸندەگٸ بٸراز سومانىڭ بولعانى دۇرىس.
ەدەتتە, بانكتەگٸ تەحنيكالىق ٸركٸلٸسكە بايلانىستى جاعداي بٸراز ساعات, كٶپ بولعاندا بٸر كٷن ٸشٸندە شەشٸلەدٸ. سوندىقتان «قارجى جاستىقشاسىنىڭ» بولۋى سٸزدٸ كٶپتەگەن پروبلەمالاردان قۇتقارادى.
رەسمي اقپاراتقا عانا سەنٸڭٸز
ەربٸر قارجى ۇيىمىندا بارلىق جاڭالىق پەن تٷسٸندٸرمەلەر جارييالاناتىن سايتى, ەلەۋمەتتٸك جەلٸلەردە رەسمي بەتتەرٸ بار. سونىمەن قاتار, ەدەتتە كٶزدەلمەگەن جاعدايلار تۋىنداعان كەزدە بانكتٸڭ باسپاسٶز قىزمەتٸ نەمەسە باسشىلىعى رەسپۋبليكالىق باق-تا رەسمي مەلٸمدەمە جاسايدى. وسى اقپاراتقا سەنۋگە بولادى. ال مەسسەندجەرلەردەگٸ تاراتىلىمدارعا نەمەسە جەكە تۇلعالاردىڭ بانككە قاتىسى جوق مەلٸمدەمەلەرٸنە دەن قويۋدىڭ قاجەتٸ جوق. وسىنداي اقپاراتتىڭ جالعانى ەكەنٸنٸڭ ىقتيمالدىعى كٶپ.
قىراعى بولىڭىز, الاياقتاردان ساقتانىڭىز
تۋىنداعان تەحنيكالىق قيىندىقتاردى قارجى الاياقتارى پايدالانۋى مٷمكٸن, ولار سٸزگە بانكتٸڭ اتىنان قوڭىراۋ شالۋى نەمەسە جازۋى جەنە ٶزٸڭٸزدٸڭ جەكە دەرەكتەرٸڭٸزدٸ كارتوچكانىڭ نٶمٸرلەرٸن جەنە ٷش مەندٸ سەيكەستەندٸرۋ كودتارىن ايتۋدى سۇراۋى مٷمكٸن. قانداي جاعدايدا بولماسىن ولارعا ەشقانداي اقپارات بەرمەڭٸز جەنە ٶز جاقىندارىڭىزعا, ەسٸرەسە ەگدە جاستاعىلارعا ەسكەرتٸڭٸز. بانك ەشقاشان جەكە دەرەكتەردٸ تالاپ ەتپەيدٸ جەنە بٸرٸنشٸ بولىپ سٶيلەسۋگە باستاما جاسامايدى. سٸزگە قوڭىراۋ شالعان نٶمٸردٸ جازىپ الىپ, ونى ٶز بانكٸڭٸزدٸڭ قاۋٸپسٸزدٸك قىزمەتٸنە حابارلاڭىز.
سونداي-اق الاياقتاردان جالعان اقپاراتتار ەلەۋمەتتٸك جەلٸلەر نەمەسە مەسسەندجەرلەر ارقىلى تاراتىلۋى مٷمكٸن. بٶگدە ادامداردان كەلٸپ تٷسەتٸن زاڭسىز نۇسقاۋلاردى قانداي جاعدايدا بولماسىن ورىنداماڭىز. بانك بارلىق كەدەرگٸلەردٸ دەربەس جويادى جەنە وعان وسىعان قاتىستى كليەنتتەردٸڭ كٶمەگٸ قاجەت ەمەس!
كەدەرگٸلەر جويىلعاننان كەيٸن بارلىق شوتتارىڭىز بەن دەرەكتەرٸڭٸزدٸ تەكسەرٸڭٸز
تەحنيكالىق جۇمىستار اياقتالعاننان كەيٸن ٶزٸڭٸزدٸڭ شوتتارىڭىزدىڭ جاعدايىن جەنە اتالعان جەكە دەرەكتەردٸ مٸندەتتٸ تٷردە تەكسەرٸڭٸز. ەگەر پروبلەما نەمەسە قاتە انىقتاساڭىز, بانككە call-ورتالىق نەمەسە موبيلدٸك قوسىمشا ارقىلى جٷگٸنٸڭٸز. سٸزگە مٸندەتتٸ تٷردە كٶمەك كٶرسەتەدٸ جەنە قايتا تۋىنداعان مەسەلەلەردٸ جويادى.
