Siriianyń soltústik-batysyndaǵy Idlib provintsiiasynda Resei aviatsiiasy birqatar nysandarǵa áýeden soqqy jasady. AFP agenttiginiń habarlaýynsha, segiz adam qaza tapqan. Olardyń beseýi - bala.
BUU dereginshe, 16 jeltoqsannan beri Idlib provintsiiasynda Siriianyń úkimet kúshteri men Resei áskerileri belsendiliginiń artýy ondaǵan myń adamdy úilerin tastap, qashyp shyǵýǵa májbúrlegen. Siriianyń adam quqyǵyn qorǵaý jónindegi ortalyǵynyń habarlaýynsha, sodan beri shabýyldardan shamamen 80 beibit turǵyn qaza tapqan.
Ótken aptanyń ekinshi jartysynan bastap Asad áskerileri jihadshylarmen soǵysyp, Idlib provintsiiasynyń ońtústigindegi ondaǵan qalany baqylaýyna alǵan. Qoldaǵy bar aqparat boiynsha, qaza tapqandardyń sany barǵan saiyn kóbeiip barady.
Siriianyń adam quqyǵyn qorǵaý jónindegi ortalyǵyq basshysy Rami Abdel Rahmannyń aitýynsha, Asad áskeriniń strategiialyq Maaret ál-Nýman qalasyna jetýine birneshe shaqyrym ǵana qalǵan.
