سيرييانىڭ سولتٷستٸك-باتىسىنداعى يدليب پروۆينتسيياسىندا رەسەي اۆياتسيياسى بٸرقاتار نىساندارعا ەۋەدەن سوققى جاسادى. AFP اگەنتتٸگٸنٸڭ حابارلاۋىنشا, سەگٸز ادام قازا تاپقان. ولاردىڭ بەسەۋٸ - بالا.
بۇۇ دەرەگٸنشە, 16 جەلتوقساننان بەرٸ يدليب پروۆينتسيياسىندا سيرييانىڭ ٷكٸمەت كٷشتەرٸ مەن رەسەي ەسكەريلەرٸ بەلسەندٸلٸگٸنٸڭ ارتۋى ونداعان مىڭ ادامدى ٷيلەرٸن تاستاپ, قاشىپ شىعۋعا مەجبٷرلەگەن. سيرييانىڭ ادام قۇقىعىن قورعاۋ جٶنٸندەگٸ ورتالىعىنىڭ حابارلاۋىنشا, سودان بەرٸ شابۋىلداردان شامامەن 80 بەيبٸت تۇرعىن قازا تاپقان.
ٶتكەن اپتانىڭ ەكٸنشٸ جارتىسىنان باستاپ اساد ەسكەريلەرٸ جيھادشىلارمەن سوعىسىپ, يدليب پروۆينتسيياسىنىڭ وڭتٷستٸگٸندەگٸ ونداعان قالانى باقىلاۋىنا العان. قولداعى بار اقپارات بويىنشا, قازا تاپقانداردىڭ سانى بارعان سايىن كٶبەيٸپ بارادى.
سيرييانىڭ ادام قۇقىعىن قورعاۋ جٶنٸندەگٸ ورتالىعىق باسشىسى رامي ابدەل راحماننىڭ ايتۋىنشا, اساد ەسكەرٸنٸڭ ستراتەگييالىق ماارەت ەل-نۋمان قالاسىنا جەتۋٸنە بٸرنەشە شاقىرىم عانا قالعان.
