Siriiadaǵy jaǵdaidy retteýge qatysty kelissózder Astanada 23 qańtarda ótedi - BAQ

- Túrkiia Syrtqy ister ministri Mevliýt Chavýshoglý Siriia problemasyn retteýge arnalǵan kelissózder 23 qańtarda Astanada ótetindigin málim etti.

Bul jaiynda "Ult aqparat" Blýmberg agenttigine silteme jasap habarlaidy.

Buǵan deiin túrik SIM basshysy Resei sarapshylary Siriia boiynsha kelissózderge daiyndyq máselelerin talqylaý úshin 9-10 qańtarda Túrkiiaǵa keletindigin málim etken bolatyn, dep jazdy Reseidiń Jańalyqtar aqparat agenttigi.

Buǵan deiin Prezident Pýtin túrik kóshbasshysy Taiyp Erdoǵanmen Siriiada qaqtyǵysýshy taraptarǵa Astanada jańa alańda beibit kelissóz úderisin jalǵastyrýdy usyný jaily ýaǵdalasqanyn habarlaǵan. Onyń aitýynsha, bul Jeneva kelissózderin tolyqtyrady.  Qazaqstan Prezidenti Nursultan Nazarbaev Pýtin jáne Erdoǵanmen telefon arqyly sóilesý barysynda bul bastamany qoldap, Qazaqstan elordasynda mundai kelissózder júrgizý úshin qajetti jaǵdai jasaýǵa daiyn ekenin málimdedi.