Resei AQSh jáne onyń odaqtastarynyń agressiiashyl qimyldaryn talqylaý úshin BUU Qaýipsizdik Keńesiniń shuǵyl otyrysyn shaqyrady. Bul jaily Kremlge silteme jasap TASS habarlaidy.
«Resei AQSh jáne onyń odaqtastarynyń agressiiashyl qimyldaryn talqylaý úshin BUU Qaýipsizdik Keńesiniń shuǵyl otyrysyn shaqyrady», - dep málimdedi RF prezidenti Vladimir Pýtin.
Resei prezidenti Máskeý Siriiaǵa jasalǵan shabýylǵa qatty alańdap otyrǵanyn aitty.
Buǵan deiin AQSh prezidenti Donald Tramptyń buiryǵymen Siriiaǵa áýeden zymyranmen soqqy jasalǵany habarlanǵan. AQSh, Frantsiia jáne Ulybritaniia Siriia prezidenti Bashar Asadty himiialyq qarýdy paidalandy dep aiyptap otyr, al Basadtyń ózi Dýma qalasynda himiialyq qarýdyń qoldanylǵanyn joqqa shyǵarýmen keledi.
BUU Bas hatshysy Antoniý Gýterrish AQSh, Frantsiia jáne Ulybritaniia tarapynan Siriiaǵa berilgen áýe soqqylary týraly málimdeme jasap, Qaýipsizdik Keńesine múshe memleketterdi birigýge, óz mindettemelerin oryndaýǵa, Siriia halqynyń qasiretin odan beter aýyrlatýy múmkin áreketter jasamaýǵa shaqyrdy.
