IýNISEF rastaǵan málimetterge sáikes, keshe túnde Siriianyń soltústik-batysynda bastalǵan zorlyq-zombylyq saldarynan alty bala qaza taýyp, taǵy bireýi jaraqat aldy. Bul týraly QazAqparat BUU jańalyqtar saityna silteme jasap habarlaidy.
IýNISEF-tiń Taiaý Shyǵys jáne Soltústik Afrika boiynsha aimaqtyq direktory mindetin atqarýshy Bertrand Benveldiń aitýynsha, ótken túnde Siriianyń soltústik-batysynda, atap aitqanda shekaralas Atmeh qalasynda keń aýqymdy qarýly qaqtyǵys boldy. Kelip túsken málimetterge sáikes, halyq tyǵyz ornalasqan aimaqtarǵa zaqym kelgen.
«Jyl basynan beri kómekke zárý 1,2 million bala turatyn soltústik-batys Idlib provintsiiasy men onyń mańyndaǵy aýdandarda zorlyq-zombylyq aitarlyqtai órship ketti», - dedi IýNISEF ókili.
Siriianyń osy bóligindegi kóptegen otbasylar zorlyq-zombylyqtan qutylý úshin atalǵan aýdanǵa qonys aýdarǵan kórinedi.
