يۋنيسەف راستاعان مەلٸمەتتەرگە سەيكەس, كەشە تٷندە سيرييانىڭ سولتٷستٸك-باتىسىندا باستالعان زورلىق-زومبىلىق سالدارىنان التى بالا قازا تاۋىپ, تاعى بٸرەۋٸ جاراقات الدى. بۇل تۋرالى قازاقپارات بۇۇ جاڭالىقتار سايتىنا سٸلتەمە جاساپ حابارلايدى.
يۋنيسەف-تٸڭ تاياۋ شىعىس جەنە سولتٷستٸك افريكا بويىنشا ايماقتىق ديرەكتورى مٸندەتٸن اتقارۋشى بەرتراند بەنۆەلدٸڭ ايتۋىنشا, ٶتكەن تٷندە سيرييانىڭ سولتٷستٸك-باتىسىندا, اتاپ ايتقاندا شەكارالاس اتمەح قالاسىندا كەڭ اۋقىمدى قارۋلى قاقتىعىس بولدى. كەلٸپ تٷسكەن مەلٸمەتتەرگە سەيكەس, حالىق تىعىز ورنالاسقان ايماقتارعا زاقىم كەلگەن.
«جىل باسىنان بەرٸ كٶمەككە زەرۋ 1,2 ميلليون بالا تۇراتىن سولتٷستٸك-باتىس يدليب پروۆينتسيياسى مەن ونىڭ ماڭىنداعى اۋدانداردا زورلىق-زومبىلىق ايتارلىقتاي ٶرشٸپ كەتتٸ», - دەدٸ يۋنيسەف ٶكٸلٸ.
سيرييانىڭ وسى بٶلٸگٸندەگٸ كٶپتەگەن وتباسىلار زورلىق-زومبىلىقتان قۇتىلۋ ٷشٸن اتالعان اۋدانعا قونىس اۋدارعان كٶرٸنەدٸ.
