Siriianyń soltústik-batysynda Resei áskerileriniń áýe soqqysynan keminde 78 islamist-sarbaz qaza tapty, shamamen 100 adam jaralandy. 26 qazanda Adam quqyǵyn buzýdy baqylaý jónindegi ortalyq málimetine súiengen "Nemis tolqyny" osylai dep habarlady.
Quqyq qorǵaýshylardyń aitýynsha, jaralanǵan naýqastardyń kóbiniń jaǵdaiy aýyr, áýe shabýylynan zardap shekkenderdi izdestirý jumystary áli jalǵasyp jatyr.
Resei ushaqtary "Failak ash-Sham" islamister tobynyń áskeri oqý-jattyǵý lagerine soqqy bergen. Lager Túrkiiamen shekaraǵa jaqyn jerdegi Idlib provintsiiasynda shoǵyrlanǵan. Lagerde daiyndyqtan ótken sarbazdardyń bir bóligi jaqyn arada ol jaqtan ketýi tiis bolǵan edi.
2019 jyldyń basynda Asad áskeri Resei qoldaýymen Idlib provintsiiasynda iri shabýyl bastaǵan, olar provintsiiany Damask baqylaýyna qaitarýdy kózdegen.
