سيرييانىڭ سولتٷستٸك-باتىسىندا رەسەي ەسكەريلەرٸنٸڭ ەۋە سوققىسىنان كەمٸندە 78 يسلاميست-سارباز قازا تاپتى, شامامەن 100 ادام جارالاندى. 26 قازاندا ادام قۇقىعىن بۇزۋدى باقىلاۋ جٶنٸندەگٸ ورتالىق مەلٸمەتٸنە سٷيەنگەن "نەمٸس تولقىنى" وسىلاي دەپ حابارلادى.
قۇقىق قورعاۋشىلاردىڭ ايتۋىنشا, جارالانعان ناۋقاستاردىڭ كٶبٸنٸڭ جاعدايى اۋىر, ەۋە شابۋىلىنان زارداپ شەككەندەردٸ ٸزدەستٸرۋ جۇمىستارى ەلٸ جالعاسىپ جاتىر.
رەسەي ۇشاقتارى "فايلاك اش-شام" يسلاميستەر توبىنىڭ ەسكەري وقۋ-جاتتىعۋ لاگەرٸنە سوققى بەرگەن. لاگەر تٷركييامەن شەكاراعا جاقىن جەردەگٸ يدليب پروۆينتسيياسىندا شوعىرلانعان. لاگەردە دايىندىقتان ٶتكەن ساربازداردىڭ بٸر بٶلٸگٸ جاقىن ارادا ول جاقتان كەتۋٸ تيٸس بولعان ەدٸ.
2019 جىلدىڭ باسىندا اساد ەسكەرٸ رەسەي قولداۋىمەن يدليب پروۆينتسيياسىندا ٸرٸ شابۋىل باستاعان, ولار پروۆينتسييانى داماسك باقىلاۋىنا قايتارۋدى كٶزدەگەن.
