اكتەر دارحان مۇساەۆ بۇرىنعى جۇبايى داريعا بادىقوۆانىڭ جاڭا ٶمٸرٸ مەن تويىنا قاتىستى ويىن ايتتى. ول نتك ارناسىنداعى “نە دەيدٸ?” باعدارلاماسىندا ٶتكەن قارىم-قاتىناسىنا بايلانىستى رەنٸشٸن جەتكٸزدٸ, دەپ حابارلايدى ult.kz.

“وپاسىزدىق جاساعان ادامدى ۇمىتپايدى ەكەنسٸڭ. مەن ونى قاتتى جاقسى كٶرگەنٸمنەن ەمەس, ماعان يتتٸك جاساعانىنا نالىدىم. اللاعا اماناتتاپ تاستاعانمىن”, – دەدٸ اكتەر.

دارحان مۇساەۆ سۇحبات بارىسىندا كينو سالاسىنداعى جۇمىسىنا دا توقتالدى. ونىڭ ايتۋىنشا, تٷسٸرەتٸن فيلمٸنە قاتىسۋعا نيەت بٸلدٸرگەن كەيبٸر اكتەرلەر كاستينگتەن ٶتۋدەن باس تارتقان. وسىدان كەيٸن ول قازاقستان بويىنشا اشىق كاستينگ جارييالاۋعا مەجبٷر بولعانىن ايتتى.

ايتا كەتەيٸك, دارحان مۇساەۆ بۇرىنعى جۇبايى تۋرالى ايتتى.

داريعا بادىقوۆا كٸم? 
 

داريعا بادىقوۆا – قازاقستاندىق اكتريسا. ول 1985 جىلعى 1 جەلتوقساندا جامبىل وبلىسىنىڭ مويىنقۇم اۋىلىندا دٷنيەگە كەلگەن. كٶپشٸلٸككە “كەلٸنجان” تەلەحيكاياسىنداعى مٸنەزٸ ٶتكٸر, سٶزگە شەبەر ايسارا رٶلٸ ارقىلى كەڭٸنەن تانىلدى.

ت. جٷرگەنوۆ اتىنداعى قازاق ۇلتتىق ٶنەر اكادەميياسىندا بٸلٸم العان. “ماحاببات كافەسٸ” سيياقتى وتاندىق فيلمدەرگە تٷسٸپ, كومەدييالىق وبرازدارىمەن كٶرەرمەن ىقىلاسىنا بٶلەنگەن. سۇحباتتارىندا كەيٸپكەرلەرٸن سومداۋ كەزٸندە يمپروۆيزاتسيياعا جيٸ جٷگٸنەتٸنٸن ايتقان.