جاپونييادا ٶتٸپ جاتقان V ازييا پارا ويىندارىندا قازاقستان ۇلتتىق قۇراماسى تاريحي نەتيجەگە قول جەتكٸزدٸ, دەپ حابارلايدى ult.kz.
وتاندىق پارا سپورتشىلار جارىستىڭ العاشقى ٷش كٷنٸندە 10 التىن مەدال جەڭٸپ الىپ, ازييا پارا ويىندارىنداعى بۇرىنعى ٷزدٸك كٶرسەتكٸشٸن جاڭارتتى. قازٸرگٸ ۋاقىتتا ۇلتتىق قۇرامانىڭ قورجىنىندا 32 مەدال بار. ونىڭ 10-ى التىن, 10-ى كٷمٸس جەنە 12-سٸ قولا.
ەل قورجىنىنا التىن جٷلدەلەردٸ پارا نىسانا كٶزدەۋدەن ەركٸن عابباسوۆ, پارا پاۋەرليفتينگتەن داۆيد دەگتيارەۆ, پارا دزيۋدودان يبراگيم نۇرماحانۇلى, بەكسۇلتان قۇلمىرزا, اقتولقىن سەيٸلبەكوۆا, زارينا رايفوۆا, شۋكۋربەكوۆ جۋرقامىرزا, پارا جٷزۋدەن دياس كەنجەبەك, پارا ۆەلوسپورتتان نايل ەرمۇحانبەت پەن اناستاسييا كالاۋس سالدى.
بۇعان دەيٸن قازاقستان قۇراماسىنىڭ ەڭ جوعارى نەتيجەسٸ 2023 جىلى قىتايدىڭ حانچجوۋ قالاسىندا ٶتكەن IV ازييا پارا ويىندارىندا تٸركەلگەن ەدٸ. ول كەزدە وتاندىق سپورتشىلار 8 التىن, 12 كٷمٸس جەنە 21 قولا مەدال يەلەنٸپ, جالپى سانى 41 جٷلدەگە قول جەتكٸزگەن. وسىلايشا, بيىل ۇلتتىق قۇراما التىن مەدال سانى بويىنشا بۇرىنعى رەكوردتى جاڭارتىپ, ەل سپورتىنىڭ تاريحىندا جاڭا بەلەسكە كٶتەرٸلدٸ.
بٷگٸنگٸ جارىس كٷنٸ ەلٸ اياقتالماعانىن جەنە الدا بٸرنەشە جارىس كٷنٸ بار ەكەنٸن ەسكەرسەك, سپورتشىلاردىڭ جٷلدە قورجىنىن ودان ەرٸ تولىقتىرۋعا مٷمكٸندٸگٸ مول.
بۇل جەتٸستٸك ەلٸمٸزدە پارا سپورتتىڭ قارقىندى دامىپ كەلە جاتقانىن جەنە سپورتشىلارىمىزدىڭ حالىقارالىق ارەناداعى بەسەكەگە قابٸلەتتٸلٸگٸنٸڭ ارتقانىن كٶرسەتەدٸ.
تاريحي نەتيجە سپورتشىلار مەن جاتتىقتىرۋشىلاردىڭ قاجىرلى ەڭبەگٸنٸڭ, سونداي-اق پارا سپورتتى دامىتۋعا باعىتتالعان جٷيەلٸ مەملەكەتتٸك قولداۋدىڭ جەمٸسٸ.
ايتا كەتەيٸك, بيىلعى ازييا پارا ويىندارىندا قازاقستان نامىسىن 150 سپورتشى قورعاپ جاتىر. جارىس 24 قازانعا دەيٸن جالعاسادى.
