Shuǵyla shaǵynaýdanynda aýmaǵy 1 gektar jańa skver ashyldy

Almaty qalasy Naýryzbai aýdanynyń Shuǵyla shaǵynaýdanynda Respýblika kúnine orai otbasylyq demalysqa arnalǵan jańa qoǵamdyq keńistik ashyldy.

Aýmaǵy 1 gektardy quraityn skver qalalyq infraqurylymnyń mańyzdy bóligine ainaldy. Shuǵyla shaǵynaýdany – Naýryzbai aýdanynyń ákimshilik ortalyǵy. Munda turǵyn úi qurylysy qarqyndy damyp, áleýmettik nysandar da ornalasqan. Alaida buǵan deiin turǵyndardyń serýendep, demalýyna arnalǵan mundai aýqymdy abattandyrylǵan aýmaq bolmaǵan. Jańa skver osy qajettilikti ótep, turǵyndarǵa úiiniń janynda bos ýaqytyn tiimdi ótkizýge múmkindik beredi.

Aýmaqty kógaldandyrýǵa erekshe kóńil bólingen. Munda 200 iri aǵash, 85 qylqan japyraqty aǵash, 30 myńǵa jýyq buta jáne 1,5 myń raýshan gúli otyrǵyzyldy.

Turǵyndardyń jailylyǵy úshin jaiaý júrginshiler joldary, oryndyqtar, jaryqtandyrý júiesi jáne avtomattandyrylǵan sýarý júiesi qarastyrylǵan. Sonymen qatar abattandyrý elementteri qatarynda sýburqaq, «Otbasy» kompozitsiiasy, pergolalar men balalar oiyn alańy bar.

Qazirdiń ózinde skver shaǵynaýdan turǵyndarynyń súiikti demalys oryndarynyń birine ainalyp, otbasylyq serýendeýge, kezdesýler ótkizýge jáne taza aýada tynyǵýǵa qolaily jaǵdai jasaýda.