Qyrǵyzstannyń Zanoza.kg saity áskeri qimyldar júrip jatqan aýmaqta túsirilgen videony jariialady. Onda qyrǵyz tilinde sóileitin jas jigit Siriiaǵa soǵysýǵa kelip, qatelikke urynǵanyn aitady.
«Meniń ýaqytym az, bizdi qorshap aldy. Bizden eki kvartal tómendegilerdiń bárin qiratty. Men tiri qalmaityn siiaqtymyn. Mama, osy jerge kelgenim úshin keshirim suraimyn. Olar beikúná balalar men áielderdi zorlap jatyr. Soǵys ne úshin jáne kim úshin bolyp jatqanyn túsinbeimin, buiryqty kim berip jatqany belgisiz. Bul bizdiń soǵys emes, meniń soǵysym emes. Mama, keshirińizshi meni», - deidi ol daýysy dirildep.
Video 7 maýsym kúni belgisiz jerde túsirilgen.
Qazir videony eldiń Memlekettik ulttyq qaýipsizdik komiteti tekserip jatyr.
