Siriiada segiz jarym jyl boiy júrip jatqan soǵys saldarynan 5 million bala bosqynǵa ainaldy. Bul týraly BUU-nyń Adam quqyqtary jónindegi keńesi qurǵan Siriia jónindegi Táýelsiz halyqaralyq komissiianyń baiandamasynda aityldy.
«Shieleniske qatysyp jatqan taraptardyń barlyǵy soǵys júrgizý erejelerin jáne Bala quqyqtary týraly konventsiiany múldem elemei jatqanyna yzalymyn. Balalardy qorǵaý boiynsha jaýapkershilik eń aldymen, Siriia Arab Respýblikasy úkimetiniń moinynda. Alaida, bul qaqtyǵystyń ózge barlyq qatysýshylary balalardy qorǵaýǵa jáne eldiń bolashaq urpaǵyn saqtaýǵa mindetti», - dep málimdedi Komissiia tóraǵasy Paýlý Pineirý.
Baiandamada aitylǵandai, úkimetshil kúshter birneshe ret oq-dárilerdi, termobariialyq bombalardy jáne himiialyq qarýlardy qoldanyp, saldarynan ondaǵan bala qaza tapty. Eresekterdi de, balalardy da zorlaý qalypty iske ainaldy. Bul rette, seksýaldyq sipattaǵy zorlyq-zombylyq adamdardyń kemsitý, jazalaý jáne boilaryna qorqynysh uialatý úshin qasaqana qoldanylýda. Úkimettik kúshter jasóspirimderdi - tipti 12 jasar balalardy da tutqyndap, uryp-soǵyp, azaptap jatyr.
«Al Haiiat Tahrir ash-Sham» men DAISh (Qazaqstanda jáne ózge elderde tyiym salynǵan uiym) lańkesteri balalar men jasóspirimderdi aldyńǵy shepte shyǵarýǵa paidalanady. Olardy darǵa asýǵa qatystyryp, keide baskeser bolýǵa májbúrlep jatyr. DAISh sodyrlary qyzdardy, tipti toǵyz jasar búldirshinderdi de «seksýaldyq quldyqqa» salýda.
Baiandama avtorlary, sondai-aq eki millionnan astam siriialyq balanyń oqýǵa múmkindigi joqtyǵyna alańdaýly. Shielenis bastalǵan sátten myńdaǵan mektep ǵimaraty qirady.
Bes million kámelettik jasqa tolmaǵan siriialyq baspanasynan aiyryldy. Baiandama avtorlary úkimetti olardy qorǵaýǵa shaqyryp, týystary DAISh-pen bailanysqan balalardy otanyna qaitarýǵa mindetteýdi eske saldy.
«Olar balalarymnyń armanyn talqandady» atty baiandama bes myń bala men onyń týystarymen, kýágerlermen, dárigerlermen, zańgerlermen jáne qarapaiym turǵyndarmen áńgimelesý negizinde jasalǵan. Jinalǵan materialdar 2011 jyldan 2019 jyldyń qazanyna deiingi aralyqty qamtidy.
