Siriia parlamenti bir ǵasyr buryn Osman imperiiasynda bolǵan armian qyrǵynyn genotsid dep tanydy.
Siriia parlamenti Túrkiia men Siriia arasynda Idlib provintsiiasyndaǵy qaqtyǵysqa bailanysty jaǵdai ýshyqqan kezde rezoliýtsiiany talqyǵa shyǵaryp, qabyldady.
Prezident Bashar Asad úkimetiniń jaqtastarynan quralǵan Siriianyń halyqtyq keńesiniń músheleri 20 ǵasyrdyń basynda Osman imperiiasynyń armiandarǵa jasaǵan genotsidin aiyptaityn rezoliýtsiiany bir aýyzdan maquldady.
Azamattyq soǵysqa deiin Siriiada júz myńnan astam etnikalyq armian turdy. Kóbi soǵystan keiin bas saýǵalap Armeniiaǵa qashty.
Qazirgi Siriia parlamenti 2016 jylǵy sailaýdan keiin jasaqtalǵan. Ol kezde soǵysqa bailanysty azamattardyń kóbi daýys bere almady. Siriia oppozitsiiasy ony moiyndamaidy.
Túrkiia rezoliýtsiiany synap, Siriia biligi "ekijúzdilik jasap otyr" dedi.
Birinshi Dúniejúzilik soǵys kezinde jáne odan keiin Osman imperiiasyndaǵy túrikter musylman memleketindegi azshylyq sanalatyn, hristian dinin ustanatyn 1,5 million armiandy óltirip, jer aýdarǵan. Kóp tarihshy men birqatar memleket bul oqiǵany genotsid dep tanyǵan.
Túrkiia 20 ǵasyrdyń basyndaǵy qyrǵyndy "genotsid" dep ataýǵa qarsy. Ankara armiandar Osman imperiiasy biliginiń ádeii josparlaǵan is-áreketinen emes, azamat soǵysynyń qurbany bolǵan jáne qaza tapqan armiandar sany 1,5 millionnan áldeqaida az deidi.
