Siriia máselesi boiynsha Astana protsesi eń tiimdi alań bolyp tur. Bul týraly Miýnhen qaýipsizdik konferentsiiasynda Reseidiń Syrtqy ister ministri Sergei Lavrov málim etti, dep habarlaidy "Ult aqparat".
Konferentsiianyń aiasyndaǵy sessiia jumysyna qatysýshylar Resei men Túrkiia arasyndaǵy qarym-qatynas týraly surady.
Óz kezeginde S. Lavrov eki arasyndaǵy qatynystar óte jaqsy deńgeide ekenin atap ótti.
Budan keiin ol Siriiadaǵy qaqtyǵystardyń týyndaýy men osy daǵdarysty sheshýdiń mán-jaiyna jeke toqtaldy.
«Bul kúrdeli máseleniń túiinin sheshýde Astana protsesiniń orny erekshe. Osy oraida óziniń elordasynda qolaily alańdy usynǵany úshin Qazaqstanǵa shynaiy alǵysymyzdy aitamyz. Astana protsesi jumysyn jaqsy bastady, sondai-aq qazirgi ýaqytta da eń tiimdi alań bolyp tur», - dedi Sergei Lavrov Miýnhen qaýipsizdik konferentsiiasynyń 56-shy otyrysynda.
Sonymen qatar, Reseidiń Syrtqy ister ministri Astana protsesi Qaýipsizdik Keńesiniń qararyn ilgeriletýde BUU-ǵa qoldaý kórsetip kele jatqanyn atap ótti.
Budan buryn habarlanǵandai, Siriia boiynsha Astana protsesiniń 15-raýndy 2020 jyldyń naýryzynda ótedi. Bul jaiynda Astana protsesiniń kepilger elderi Iran, Resei jáne Túrkiianyń birlesken málimdemesinde aitylǵan.
Eske sala keteiik, Miýnhen qaýipsizdik konferentsiiasynyń tóraǵasy Volfgang Ishinger álem kóshbasshylaryn BUU-nyń bedelin nyǵaitý isine belsendi atsalysýǵa shaqyrdy.
