Semei qalasynda sirińkemen oinaǵan 6 jasar balanyń abaisyz áreketinen avtokólik órtenip ketti. Endi keltirilgen materialdyq shyǵyndy balanyń ata-anasy óteýge mindetteledi, dep habarlaidy ult.kz.
Oblystyq politsiia departamentiniń málimetinshe, oqiǵa 352-kvartaldaǵy turǵyn úilerdiń biriniń aýlasynda bolǵan. Órttiń shyǵý sebebin anyqtaý barysynda politsiia qyzmetkerleri jaqyn mańdaǵy beinebaqylaý kameralarynyń jazbalaryn zerttegen.
Tekserý nátijesinde órt bastalar aldynda kóliktiń mańynda úsh kámeletke tolmaǵan balanyń júrgeni anyqtaldy. Aldyn ala málimet boiynsha, 6 jasar bala sirińke jaǵyp oinap, kóliktiń janyndaǵy qurǵaq shópti tutatqan. Jalyn kúsheigen kezde balalar qorqyp, oqiǵa ornynan qashyp ketken. Bul derek kámeletke tolmaǵandardyń zańdy ókilderinen alynǵan túsiniktemeler arqyly da rastalǵan.
Politsiianyń habarlaýynsha, qoldanystaǵy zańnamaǵa sáikes, keltirilgen materialdyq shyǵyndy balanyń ata-anasy avtokólik iesine óteýge mindetti.
Eske salaiyq, buǵan deiin Qazaqstanda jyl basynan beri 536 orman órti tirkelgeni habarlanǵan.
