سەمەي قالاسىندا سٸرٸڭكەمەن ويناعان 6 جاسار بالانىڭ ابايسىز ەرەكەتٸنەن اۆتوكٶلٸك ٶرتەنٸپ كەتتٸ. ەندٸ كەلتٸرٸلگەن ماتەريالدىق شىعىندى بالانىڭ اتا-اناسى ٶتەۋگە مٸندەتتەلەدٸ, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, وقيعا 352-كۆارتالداعى تۇرعىن ٷيلەردٸڭ بٸرٸنٸڭ اۋلاسىندا بولعان. ٶرتتٸڭ شىعۋ سەبەبٸن انىقتاۋ بارىسىندا پوليتسييا قىزمەتكەرلەرٸ جاقىن ماڭداعى بەينەباقىلاۋ كامەرالارىنىڭ جازبالارىن زەرتتەگەن.
تەكسەرۋ نەتيجەسٸندە ٶرت باستالار الدىندا كٶلٸكتٸڭ ماڭىندا ٷش كەمەلەتكە تولماعان بالانىڭ جٷرگەنٸ انىقتالدى. الدىن الا مەلٸمەت بويىنشا, 6 جاسار بالا سٸرٸڭكە جاعىپ ويناپ, كٶلٸكتٸڭ جانىنداعى قۇرعاق شٶپتٸ تۇتاتقان. جالىن كٷشەيگەن كەزدە بالالار قورقىپ, وقيعا ورنىنان قاشىپ كەتكەن. بۇل دەرەك كەمەلەتكە تولماعانداردىڭ زاڭدى ٶكٸلدەرٸنەن الىنعان تٷسٸنٸكتەمەلەر ارقىلى دا راستالعان.
پوليتسييانىڭ حابارلاۋىنشا, قولدانىستاعى زاڭناماعا سەيكەس, كەلتٸرٸلگەن ماتەريالدىق شىعىندى بالانىڭ اتا-اناسى اۆتوكٶلٸك يەسٸنە ٶتەۋگە مٸندەتتٸ.
ەسكە سالايىق, بۇعان دەيٸن قازاقستاندا جىل باسىنان بەرٸ 536 ورمان ٶرتٸ تٸركەلگەنٸ حابارلانعان.
