Foto: polisia.kz
Pavlodarda sintetikalyq esirtki tasymaldaǵan kýrer qolǵa tústi, dep habarlaidy Pavlodar oblystyq politsiia departamenti.
Pavlodar oblystyq PD men oblystyq prokýratýranyń úilestirýimen júrgizilgen jedel izdestirý is-sharalary barysynda esirtki qylmysyna qarsy is-qimyl basqarmasynyń qyzmetkerleri sintetikalyq zattardy ótkizbek bolǵan er adamdy ustady.
«Jeke tintý kezinde kúdiktiden salmaǵy 8 gramnan asatyn psihotroptyq zat salynǵan 16 orama tabylyp, tárkilendi. Kúdikti óziniń tyiym salynǵan zattardy taratýmen ainalysatyn kóleńkeli internet-dúkenniń kýreri ekenin moiyndady. Ol kýratordyń nusqaýymen kórshi óńirden kelip, aimaq ortalyǵynda esirtki partiiasyn jasyryn oryndarǵa taratýǵa baǵyttalǵan», – dedi Pavlodar oblysy PD bastyǵynyń birinshi orynbasary Bolat Nurseiitov.
Qazirgi ýaqytta atalǵan derek boiynsha sotqa deiingi tergeý amaldary júrgizilýde.
Politsiia azamattardy zańsyz esirtki ainalymyna qatysty kez kelgen qylmystar men quqyq buzýshylyqtar týraly «102» nómirine habarlaýǵa shaqyrady.
