فوتو: polisia.kz
پاۆلوداردا سينتەتيكالىق ەسٸرتكٸ تاسىمالداعان كۋرەر قولعا تٷستٸ, دەپ حابارلايدى پاۆلودار وبلىستىق پوليتسييا دەپارتامەنتٸ.
پاۆلودار وبلىستىق پد مەن وبلىستىق پروكۋراتۋرانىڭ ٷيلەستٸرۋٸمەن جٷرگٸزٸلگەن جەدەل ٸزدەستٸرۋ ٸس-شارالارى بارىسىندا ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ سينتەتيكالىق زاتتاردى ٶتكٸزبەك بولعان ەر ادامدى ۇستادى.
«جەكە تٸنتۋ كەزٸندە كٷدٸكتٸدەن سالماعى 8 گرامنان اساتىن پسيحوتروپتىق زات سالىنعان 16 وراما تابىلىپ, تەركٸلەندٸ. كٷدٸكتٸ ٶزٸنٸڭ تىيىم سالىنعان زاتتاردى تاراتۋمەن اينالىساتىن كٶلەڭكەلٸ ينتەرنەت-دٷكەننٸڭ كۋرەرٸ ەكەنٸن مويىندادى. ول كۋراتوردىڭ نۇسقاۋىمەن كٶرشٸ ٶڭٸردەن كەلٸپ, ايماق ورتالىعىندا ەسٸرتكٸ پارتيياسىن جاسىرىن ورىندارعا تاراتۋعا باعىتتالعان», – دەدٸ پاۆلودار وبلىسى پد باستىعىنىڭ بٸرٸنشٸ ورىنباسارى بولات نۇرسەيٸتوۆ.
قازٸرگٸ ۋاقىتتا اتالعان دەرەك بويىنشا سوتقا دەيٸنگٸ تەرگەۋ امالدارى جٷرگٸزٸلۋدە.
پوليتسييا ازاماتتاردى زاڭسىز ەسٸرتكٸ اينالىمىنا قاتىستى كەز كەلگەن قىلمىستار مەن قۇقىق بۇزۋشىلىقتار تۋرالى «102» نٶمٸرٸنە حابارلاۋعا شاقىرادى.
