«Qazgidromet» RMK Aýa raiynyń qysqa merzimdi boljamdar basqarmasynyń basshysy Ardaq Qalmenova Qazaqstanda Jańa jyl keshindegi aýa raiyna qatysty sinoptikalyq boljammen bólisti, dep habarlaidy "Ult aqparat".
«Jańa jyldyq aýa raiyna keler bolsaq, Qazaqstannyń barlyq oblystarynda turaqty ári jaýyn-shashynsyz aýa-raiy boljanady. Batysta aýa temperatýrasy 10-15 kei jerlerde 20 gradýs, soltústik aýmaqtarda 20-25 kei jerlerde 28, shyǵysynda 20-25 kei jerlerde 30 gradýs, ońtústikte - 5-10 kei jerlerde 15-20 gradýsqa deiin aiaz kútiledi. Túngi jáne tańerteńgi ýaqyttyrda tuman túsedi», - deidi "Qazgidromet" RMK qysqa merzimdi boljamdar bóliminiń basshysy Ardaq Kalmenova.
Esterińizge sala keteiik, buǵan deiin Ardaq Qalmenova Qazaqstanda 28 jeltoqsannan bastap aýa raiy turaqtalatynyn habarlaǵan bolatyn. Atalǵan kúnnen bastap Sibir antitsiklony yqpalyn tigizip, el aýmaǵynda aýa temperatýrasy tómendeidi.
