Sinoptikterdiń boljamynsha, aidyń birinshi jáne ekinshi onkúndiginde kún sýytady, dep habarlaidy Sputnik Qazaqstan.
"Qazgidromet" RMK aqparatynsha, sáýir aiynda aýa temperatýrasy soltústikte klimattyq norma sheginde, al ońtústikte normadan 1°S joǵary bolady dep boljanyp otyr.
Birinshi onkúndiktiń ortasy men ekinshi onkúndiktiń alǵashqy jartysynda soltústik jáne soltústik-batys óńirlerde aýa temperatýrasy -3...-8°S, kei jerlerde -11°S deiin tómendeidi, kúndiz 0...5°S, kei jerlerde 8°S jyly bolady. Al ońtústikte túnde 0...+5°S, kei jerlerde 0°S, kúndiz +10...+15°S, kei jerlerde 20°S deiin kóteriledi.
Batysta birinshi jáne ekinshi onkúndiktiń basynda kún sýytady, túnde 0...-5°S sýyq, kúndiz +5...+10°S deiin jyly bolady. Ortalyq jáne shyǵysta birinshi onkúndiktiń sońy men ekinshi onkúndiktiń ortasynda túnde -3...-8°S, kei jerlerde 11°S deiin sýyq, al kúndiz +5...+10°S jyly.
"Birinshi jáne úshinshi onkúndiktiń basynda soltústik, ortalyq jáne shyǵysta synap baǵanasy +8...+13°S deiin, kei jerlerde +18°S deiin kóteriledi. Elimizdiń ońtústik-batys jáne ońtústik bóliginde kún +20...+25°S, kei jerlerde +15°S, úshinshi onkúndiktiń basynda kei jerlerde +30°S deiin jylynady", -delingen habarlamada.
Sondai-aq, sáýirde respýblikanyń basym bóliginde jaýyn-shashyn mólsheri normaǵa jýyq, ońtústik-batys jáne ortalyqtyń keibir jerlerinde normadan tómen, al shyǵys pen ońtústik-shyǵystyń keibir aimaqtarynda normadan joǵary bolady dep boljanýda.
