Sinoptikter qańtar aiynda aýa raiynyń qandai bolatynyn aitty, - dep habarlaidy "Ult aqparat" "Qazgidromet" ortalyǵyna silteme jasap.
Aidyń alǵashqy on kúninde respýblikanyń basym bóliginde Sibir antitsiklonyna bailanysty kún ashyq, azdap aiaz jáne túnde, tańerteń tuman bolady.
Aýa temperatýrasy batysta túnde 5-13 gradýs, kúndiz 0-5 gradýs sýyq bolady; soltústik pen ortalyqta túnde 20-25, shyǵystyń kei jerlerinde 30 gradýsqa deiin aiaz, kúndiz 15-20, shyǵystyń kei jerlerinde 25 gradýsqa deiin aiaz bolady.
Tek ońtústik pen ońtústik-shyǵysta atmosferalyq fronttardyń ótýine bailanysty aýa raiy qubylmaly bolady: jaýyn-shashyn, tuman jáne kóktaiǵaq, túnde 3-13, kúndiz 0-5 gradýs sýyq bolsa, elimizdiń ońtústigindegi kei jerlerde 5 gradýs jyly bolady.
Kópjyldyq boljamdarǵa sáikes, aitarlyqtai aiazdy kúnder Kreshenie kezinde kútiledi, ol kezde soltústiktegi aýa temperatýrasy túnde 25-30, kúndiz 20-25 gradýsqa deiin tómendeidi; ońtústikte túnde 17-22, kúndiz 10-15 gradýs sýyq bolady.
Jalpy, qańtar aiynda aýa temperatýrasy klimattyq mánge sai bolady dep boljanyp otyr, tek batysta normadan 1 gradýsqa joǵary bolady.
Jaýyn-shashyn mólsheri Batys Qazaqstan, Atyraý, Mańǵystaý oblystarynda normadan az túsedi, al Soltústik Qazaqstan, Aqmola, Pavlodar, Shyǵys Qazaqstan, Qyzylorda oblysynyń basym bóliginde, Qostanai men Qaraǵandynyń soltústiginde, Ońtústik Qazaqstannyń taýly aimaqtarynda, Jambyl, Almaty oblystarynda normadan kóp túsedi, al qalǵan aimaqtarda jaýyn-shashyn mólsheri normaǵa sai bolady.
