Sýret: lelefantinoautolavaggio.it
Qazaqstannyń birqatar óńirinde 36 gradýsqa deiin aiaz bolady, - dep habarlaidy Tengrinews.kz portaly.
Qazaqstan aýmaǵynyń basym bóligine áli de aýqymdy antitsiklon áserinen jaýyn-shashynsyz aýa raiy saqtalady. Respýblikanyń shyǵysynda, soltústiginde, ortalyǵynda atmosferalyq frontal bólikterdiń ótýine bailanysty qar jaýady, jaiaý burqasynmen jel kúsheiedi. Tek respýblikanyń ońtústiginde tuman kútilip otyr.
"Túnde Jetisý oblysynyń soltústiginde, taýly aýdandarynda 31-36 gradýs óte qatty aiaz saqtalady. Almaty, Jambyl oblystarynyń soltústiginde, taýly aýdandarynda 30-32 gradýs qatty aiaz kútilip otyr", - delingen habarlamada.
