Sinoptikter 20-22 qazanǵa arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, Jańa Jer aýdandarynan keletin tsiklon áserinen, QR basym bóliginde jańbyr, kezeńniń sońyna qarai soltústikte, soltústik-batysta qatty jaýyn-shashyn (jańbyrdyń sońy qarǵa ulasady) jaýady. Tek, kezeńniń basynda elimizdiń ońtústiginde, kezeń boiy ońtústik-shyǵysta antitsiklon áserinen jaýyn-shashynsyz, jyly aýa raiy kútiledi. Jalpy, respýblika boiynsha jeldiń kúsheiýi, 22 qazanda soltústikte – kóktaiǵaq, ońtústiktiń taýly aýdandarynda naizaǵai kútiledi.
Aýa temperatýrasy:
- batysta túnde 3-13 gradýstan 3 gradýs aiaz - 7 gradýs jylyǵa deiin, kúndiz 10-20 gradýstan 2-15 gradýsqa deiin tómendeidi;
- soltústik-batysta aýa temperatýrasy shamaly tómendeidi, túnde 3 gradýs aiaz - 8 gradýs jylydan 3 gradýs aiaz - 5 gradýs jylyǵa deiin, kúndiz 8-18 gradýs jylydan 2-8 gradýs jylyǵa deiin tómendeidi;
- soltústikte aýanyń temperatýrasy túnde 0-6 gradýs jylydan 0-10 gradýs jylyǵa deiin joǵarlaidy, kúndiz 5-12 gradýs jylydan 0-8-ge deiin tómendeidi;
- QR ortalyǵynda aýanyń temperatýrasy túnde 1 gradýs aiazdan - 3-9 gradýs jylyǵa deiin joǵarlaidy, kúndiz temperatýranyń negizgi fony 7-18 gradýs jyly;
- shyǵysta túnde aýanyń negizgi fony 2 gradýs aiaz - 8 gradýs jyly bolady, kúndiz aýanyń temperatýrasy 3-15 gradýs jylydan 9-18 gradýs jylyǵa deiin joǵarylaidy;
- ońtústikte túnde aýanyń temperatýrasy 3 gradýs aiaz - 5 gradýs jylydan 0-13 gradýs jylyǵa deiin, kúndiz 12-20 gradýs jylydan 12-26 gradýs jylyǵa deiin joǵarylaidy;
- ońtústik-shyǵysta aýanyń temperatýrasy túnde 5 gradýs aiaz - 6 gradýs jylydan 2 gradýs aiaz - 10 gradýs jylyǵa deiin, kúndiz 5-15 gradýs jylydan 15-25 gradýs jylyǵa deiin joǵarylaidy.
