«Qazgidromet» RMK 6 qarasha kúni aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Atap aitqanda, Aqmola oblysynda tuman kútiledi. Ońtústik-batystan jel soǵady, kúshi kei jerlerde 15-20 m/s artady.
Qostanai oblysynyń kei jerlerinde tuman, kóktaiǵaq bolady. Ońtústik-batystan jel soǵady, kúshi kúndiz 15-20 m/s jetedi.
6-7 qarashada Soltústik Qazaqstan oblysynyń kei jerlerinde tuman, kóktaiǵaq boljanady. 6 qarashada kúndiz, 7 qarashada táýlik boiy ońtústik-batystan jel soǵady, kei jerlerde kúshi 15-20 m/s kúsheiedi.
Jambyl oblysynda kei jerlerde soltústik-shyǵystan soǵatyn jel ońtústik-batysqa aýysyp, ekpini 15-20 m/s artady. Kei jerlerde tuman kútiledi.
