Tótenshe jaǵdailar komiteti jáne Tótenshe jaǵdailar departamentiniń jedel shtabtary Shyǵys qazaqstan oblysyndaǵy jańbyrdan keiingi qarǵyn sýdy azaitý jumystaryn jalǵastyryp jatyr, dep habarlaidy óńirdegi TJK baspasóz qyzmeti.
«Eki qala men 10 aýdan sý tasqyny zardabyn tartyp otyr. Komiisiia shyǵyndardy esepteý ústinde. 50 myń tekshe metr sý sorǵytyldy. Qaýipti jerlerge 8000 qumqap tóseldi. Turǵyndar qaýipsiz jerlerge kóshirilip, ystyq tamaqpen qamtamasyz etildi. Qaýipti jerler áýe baqylaýyna alyndy»,-dep jazylǵan habarlamada.
Aiagóz, Kúrshim, Tarbaǵatai, Ulan, Úrjar, Zaisan, Glýbokoe, Katonqaraǵai, Zyrian, Shemonaiha aýdandary men Ridder, Óskemen qalalaryna beketter qoiylyp, táýlik boiy kezekshilik uiymdastyrylǵan. Jaǵdai ázirge qalypty.
16-17 naýryzda sinoptikter kún jylynyp, ózenderdegi sý kóleminiń artatynyn eskertedi.
