Foto: gov.kz
Qazaqstan Premer-ministriniń orynbasary – syrtqy ister ministri Muhtar Tileýberdi Japoniianyń burynǵy premer-ministri Sindzo Abeniń memlekettik jerleý rásimine qatysý úshin Japoniiaǵa jumys saparymen baryp qaitty. Bul týraly SIM resmi ókili Aibek Smadiiarov aityp berdi, - dep habarlaidy Tengrinews.kz agenttigi.
"27 qyrkúiekte Japoniianyń burynǵy premer-ministri Sindzo Abeniń memlekettik jerleý rásimine qatysý úshin Muhtar Tileýberdi Japoniiaǵa jumys saparymen bardy. Resmi rásimge 6 myńnan asa adam, onyń ishinde Japoniianyń joǵary laýazymdy saiasatkerleri, Parlament depýtattary jáne 200-den astam el men halyqaralyq uiymdardyń sheteldik delegatsiialary qatysty", - dedi brifingte SIM resmi ókili Aibek Smadiiarov.
Qazaqstandyq delegatsiia basshysyn Japoniia premer-ministri Fýmio Kishida qabyldaǵan. Ol Prezident Qasym-Jomart Toqaevtyń, Qazaqstan Úkimeti men halqynyń atynan kóńil aitty. Qazaqstan SIM basshysy marqum eks-premer-ministrdiń jubaiy Akie Abege de kóńil aitty.
"Sapar aiasynda Qazaqstan SIM basshysy Japoniianyń Syrtqy ister ministri Ioshimasa Haiashimen ekijaqty kezdesý ótkizdi. Taraptar ekijaqty jáne kópjaqty yntymaqtastyqty damytýdy talqylap, halyqaralyq ahýal men saýda-ekonomikalyq máseleler boiynsha pikir almasty. Sonymen qatar, "Ortalyq Aziia + Japoniia" dialogynyń yyrtqy ister ministrleriniń keńesiniń 9-shy otyrysyn biyl jeltoqsanda jáne Ekonomikalyq yntymaqtastyq boiynsha Qazaqstan-Japoniia úkimetaralyq jáne jeke sektorlar arasyndaǵy birlesken komissiiasynyń 8-otyrysyn 2023 jyly aqpanda Tokio qalasynda ótkizý jóninde kelisildi", - dedi Aibek Smadiiarov.
