Almatydaǵy mýzykalyq kúz kórermenderge jaqsy tanys hitterdiń erekshe oryndalýymen bastaldy. 4 qyrkúiekte Ne Prosto Orchestra Respýblika saraiynda «BEST OF NE PROSTO POP» baǵdarlamasyn usyndy. Adele, Lady Gaga, Coldplay, Bruno Mars, Black Eyed Peas, Daft Punk jáne basqa da álemdik oryndaýshylardyń tanymal kompozitsiialary bul joly simfoniialyq aranjirovkada oryndaldy. Kontserttiń bas demeýshisi — Allur avtomobil kompaniiasynyń quramyna kiretin Škoda Qazaqstan.
Orkestrlik baǵdarlama ártúrli mýzykalyq dáýirlerdi toǵystyryp, kópshilikke tanys pop-mýzykanyń jańa formatta qalai túrlenetinin kórsetti. Ne Prosto Orchestra-men seriktestik — Škoda Qazaqstan brendiniń zamanaýi mádeni ortany damytýǵa baǵyttalǵan júieli jumysynyń bir bóligi. Brend orkestr ujymyna qoldaý kórsetip, aýqymdy mýzykalyq baǵdarlamalardy keń aýditoriiaǵa tanystyrýǵa úles qosyp keledi.
Yntymaqtastyq Škoda brendiniń adamǵa degen qamqorlyq, jańa ideialarǵa ashyqtyq jáne kúndelikti ómirden tys jaǵymdy emotsiialar syilaýǵa umtylý qundylyqtaryn kórsetedi. Bul turǵyda mýzyka brendtiń aýditoriiamen bailanys ornatatyn taǵy bir alańyna ainalyp otyr.
«Ne Prosto Orchestra ujymy taǵy da mýzyka súier qaýym men ónerge beijai qaramaityn tyńdarmandardy bir jerge jinai aldy. Kúzdi pikirles jandardyń jyly ortasynda bastap, jastyq shaǵymyzdan tanys ári súiikti kompozitsiialardyń tamasha oryndalýyn tyńdaýdyń ózi bir ǵanibet.
Mýzyka men án — jan azyǵy. Olar bizge ómirdegi eń mańyzdy dúnielerdi oi eleginen ótkizip, eske túsirýge, úmit syilap, alǵa qarai qadam basýǵa kúsh beredi. Osyndai sharalar kóbeiip, sonymen birge bir-birimizben tamasha emotsiialarymyzdy bólisýge sebep bolatyn sátter de kóp bolsyn», — dedi Škoda-nyń Qazaqstandaǵy distribýtsiia basshysy Andrei Tananykin.
Almatydaǵy bul kontsert biyl Škoda Qazaqstan qoldaýymen ótken Ne Prosto Orchestra-nyń úshinshi kontserti boldy. Alaida seriktestik munymen aiaqtalmaidy.
20 jeltoqsanda Astanada Qazaqconcert sahnasynda «Ne Prosto Novyi god» atty kezekti kontsert ótedi.
