Qazaqstan Respýblikasynyń Syrtqy ister ministrligi iadrolyq qarýsyzdaný salasyndaǵy sońǵy halyqaralyq qujat sanalatyn 2010 jylǵy 8 sáýirdegi Strategiialyq shabýyl qarý-jaraqtaryn qysqartý men shekteý sharalary týraly shartty (SShQ-III) uzartý týraly Resei Federatsiiasy men Amerika Qurama Shtattarynyń sheshimin quptaidy, dep habarlaidy QR SIM baspasóz qyzmeti.
Bul Resei tarapynyń Shartty uzartý boiynsha dáiekti kúsh-jigeriniń nátijesinde múmkin boldy jáne ol halyqaralyq qaýipsizdikke yqpal etetin barlyq faktorlardy eskere otyryp, zymyran-iadrolyq qarý-jaraqty odan ári baqylaý boiynsha keshendi jumystardy júzege asyrýǵa ýaqyt beredi.
AQSh-tyń jańa Ákimshiliginiń SShQ-III shartyn kelesi bes jylǵa uzartý týraly túbegeili kelisimi ekijaqty qarym-qatynastardy ońaltýǵa jáne ózara senimdi qalpyna keltirýge úmit beretin oń belgi.
Shartty uzartý memleketterdiń jaýapty minez-qulyqtyń, iadrolyq qarýsyzdaný úderisine beiildiliginiń jáne qarý-jaraqtyń qaýipti jarysynyń aldyn alýdyń úlgisin kórsetedi.
Shart eki memlekettiń strategiialyq qarym-qatynasynyń ashyqtyǵy men boljamdylyǵyn saqtaýǵa, sondai-aq, Iadrolyq qarýdy taratpaý týraly sharttyń (IaQTSh) VI babyna sáikes iadrolyq qarýsyzdanýdyń dáiekti úderisiniń sabaqtastyǵyn qamtamasyz etýge baǵyttalǵan. Keleshekte ol QR Tuńǵysh Prezidenti – Elbasy N.Á.Nazarbaevtyń iadrolyq derjavalar kóshbasshylarynyń kezdesýin ótkizý týraly bastamasy sheńberinde kópjaqty dialogqa negiz bolýy tiis.
Qazaqstan KSRO-nyń quqyqty mirasqorlarynyń biri retinde 1991 jylǵy Strategiialyq shabýyl qarý-jaraqtaryn qysqartý men shekteý týraly shartynyń (SShQ-I) tarapy bolyp, 1992 jylǵy 23 mamyrda Lissabon hattamasyna qol qoidy. Qazaqstan Lissabon hattamasynyń erejelerin oryndaý sheńberinde iadrolyq qarýy joq memleket retinde IaQTSh-ǵa qosyldy.
Bizdiń elimizdiń qýaty jaǵynan álemdegi tórtinshi iadrolyq qarý arsenalynan óz erkimen bas tartý týraly tarihi sheshimi jappai qyryp-joiý qarýynyń qaýip-qaterinen azat álemge qol jetkizý jolyndaǵy buljymas baǵytymyzdyń berik negizine ainaldy.
BUU Bas Assambleiasynyń 75-sessiiasynda sóilegen sózinde QR Prezidenti Q.K.Toqaev iadrolyq derjavalardy adamzatty iadrolyq apattan qutqarýǵa baǵyttalǵan qajetti ári kezek kúttirmes barlyq sharalardy qolǵa alýǵa úndedi.
Iadrolyq qarýǵa tyiym salý týraly shartynyń kúshine enýi jáne SShQ-III shartynyń uzartylýy IaQTSh Sholý konferentsiiasy qarsańynda Birikken Ulttar Uiymynyń 100-jyldyǵyna, iaǵni 2045 jylǵa deiin iadrolyq qarýdan azat álemge qol jetkizý jolynda syndarly dialog quryp, ózara senimdi qalpyna keltirýge septigin tigizedi dep senemiz.
