قازاقستان رەسپۋبليكاسىنىڭ سىرتقى ٸستەر مينيسترلٸگٸ يادرولىق قارۋسىزدانۋ سالاسىنداعى سوڭعى حالىقارالىق قۇجات سانالاتىن 2010 جىلعى 8 سەۋٸردەگٸ ستراتەگييالىق شابۋىل قارۋ-جاراقتارىن قىسقارتۋ مەن شەكتەۋ شارالارى تۋرالى شارتتى (سشق-ٸٸٸ) ۇزارتۋ تۋرالى رەسەي فەدەراتسيياسى مەن امەريكا قۇراما شتاتتارىنىڭ شەشٸمٸن قۇپتايدى, دەپ حابارلايدى قر سٸم باسپاسٶز قىزمەتٸ.
بۇل رەسەي تاراپىنىڭ شارتتى ۇزارتۋ بويىنشا دەيەكتٸ كٷش-جٸگەرٸنٸڭ نەتيجەسٸندە مٷمكٸن بولدى جەنە ول حالىقارالىق قاۋٸپسٸزدٸككە ىقپال ەتەتٸن بارلىق فاكتورلاردى ەسكەرە وتىرىپ, زىمىران-يادرولىق قارۋ-جاراقتى ودان ەرٸ باقىلاۋ بويىنشا كەشەندٸ جۇمىستاردى جٷزەگە اسىرۋعا ۋاقىت بەرەدٸ.
اقش-تىڭ جاڭا ەكٸمشٸلٸگٸنٸڭ سشق-ٸٸٸ شارتىن كەلەسٸ بەس جىلعا ۇزارتۋ تۋرالى تٷبەگەيلٸ كەلٸسٸمٸ ەكٸجاقتى قارىم-قاتىناستاردى وڭالتۋعا جەنە ٶزارا سەنٸمدٸ قالپىنا كەلتٸرۋگە ٷمٸت بەرەتٸن وڭ بەلگٸ.
شارتتى ۇزارتۋ مەملەكەتتەردٸڭ جاۋاپتى مٸنەز-قۇلىقتىڭ, يادرولىق قارۋسىزدانۋ ٷدەرٸسٸنە بەيٸلدٸلٸگٸنٸڭ جەنە قارۋ-جاراقتىڭ قاۋٸپتٸ جارىسىنىڭ الدىن الۋدىڭ ٷلگٸسٸن كٶرسەتەدٸ.
شارت ەكٸ مەملەكەتتٸڭ ستراتەگييالىق قارىم-قاتىناسىنىڭ اشىقتىعى مەن بولجامدىلىعىن ساقتاۋعا, سونداي-اق, يادرولىق قارۋدى تاراتپاۋ تۋرالى شارتتىڭ (ياقتش) VI بابىنا سەيكەس يادرولىق قارۋسىزدانۋدىڭ دەيەكتٸ ٷدەرٸسٸنٸڭ ساباقتاستىعىن قامتاماسىز ەتۋگە باعىتتالعان. كەلەشەكتە ول قر تۇڭعىش پرەزيدەنتٸ – ەلباسى ن.ە.نازارباەۆتىڭ يادرولىق دەرجاۆالار كٶشباسشىلارىنىڭ كەزدەسۋٸن ٶتكٸزۋ تۋرالى باستاماسى شەڭبەرٸندە كٶپجاقتى ديالوگقا نەگٸز بولۋى تيٸس.
قازاقستان كسرو-نىڭ قۇقىقتى ميراسقورلارىنىڭ بٸرٸ رەتٸندە 1991 جىلعى ستراتەگييالىق شابۋىل قارۋ-جاراقتارىن قىسقارتۋ مەن شەكتەۋ تۋرالى شارتىنىڭ (سشق-ٸ) تاراپى بولىپ, 1992 جىلعى 23 مامىردا ليسسابون حاتتاماسىنا قول قويدى. قازاقستان ليسسابون حاتتاماسىنىڭ ەرەجەلەرٸن ورىنداۋ شەڭبەرٸندە يادرولىق قارۋى جوق مەملەكەت رەتٸندە ياقتش-عا قوسىلدى.
بٸزدٸڭ ەلٸمٸزدٸڭ قۋاتى جاعىنان ەلەمدەگٸ تٶرتٸنشٸ يادرولىق قارۋ ارسەنالىنان ٶز ەركٸمەن باس تارتۋ تۋرالى تاريحي شەشٸمٸ جاپپاي قىرىپ-جويۋ قارۋىنىڭ قاۋٸپ-قاتەرٸنەن ازات ەلەمگە قول جەتكٸزۋ جولىنداعى بۇلجىماس باعىتىمىزدىڭ بەرٸك نەگٸزٸنە اينالدى.
بۇۇ باس اسسامبلەياسىنىڭ 75-سەسسيياسىندا سٶيلەگەن سٶزٸندە قر پرەزيدەنتٸ ق.ك.توقاەۆ يادرولىق دەرجاۆالاردى ادامزاتتى يادرولىق اپاتتان قۇتقارۋعا باعىتتالعان قاجەتتٸ ەرٸ كەزەك كٷتتٸرمەس بارلىق شارالاردى قولعا الۋعا ٷندەدٸ.
يادرولىق قارۋعا تىيىم سالۋ تۋرالى شارتىنىڭ كٷشٸنە ەنۋٸ جەنە سشق-ٸٸٸ شارتىنىڭ ۇزارتىلۋى ياقتش شولۋ كونفەرەنتسيياسى قارساڭىندا بٸرٸككەن ۇلتتار ۇيىمىنىڭ 100-جىلدىعىنا, ياعني 2045 جىلعا دەيٸن يادرولىق قارۋدان ازات ەلەمگە قول جەتكٸزۋ جولىندا سىندارلى ديالوگ قۇرىپ, ٶزارا سەنٸمدٸ قالپىنا كەلتٸرۋگە سەپتٸگٸن تيگٸزەدٸ دەپ سەنەمٸز.
