Túrkiiadaǵy qazaq diasporasy qarajatynan alynǵan meditsinalyq buiym men jabdyqtardyń eki aptadan beri Qazaqstanǵa jiberilmei jatqandyǵy jónindegi aqparat shyndyqqa janaspaidy, dep habarlaidy "Ult aqparat" QR SIM baspasóz qyzmetine silteme jasap.
«Áleýmettik jelilerde Túrkiiadaǵy qazaq diasporasy qarajatynan satyp alynǵan meditsinalyq maqsattaǵy buiymdar men meditsinalyq jabdyqtardyń eki aptadan astam ýaqyt ishinde Qazaqstanǵa jiberilmei jatqandyǵy týraly aqparat shyndyqqa janaspaidy. Sonymen qatar, Úkimet bul júkti Qazaqstanǵa jetkizýge kómek kórsetýdi ádeii sozyp otyr degen aqparat negizsiz.
Osyǵan orai, Qazaqstan Respýblikasynyń Syrtqy ister ministrligi Ankara men Ystanbul qalalarynan Túrkiia úkimetinen resmi gýmanitarlyq kómekti, Túrik qazaqtary qaýymdastyǵy (KATEAD) men Qazaqstan azamattarynyń bastamashyl toby satyp alǵan júkti elimizge jetkizýdi pysyqtap jatqandyǵyn habarlaimyz», delingen ministrliktiń Telegram-daǵy paraqshasynda.
Bul júkterdi jetkizýdiń jalpy úilestirý jumystaryn Qazaqstannyń Túrkiiadaǵy Elshiligi júzege asyrady. Sondai-aq, osy yntymaqtastyq týraly aqparatty KATEAD saitynda jariialady.
«Júkterdi aviakompaniiamen Ankara-Almaty baǵyty boiynsha jetkizý aǵymdaǵy jyldyń 14 shildesine josparlanǵan.
Osy rette jalǵan nemese tekserilmegen aqparatty taratpaýdy suraimyz», delingen habarlamada.
