تٷركيياداعى قازاق دياسپوراسى قاراجاتىنان الىنعان مەديتسينالىق بۇيىم مەن جابدىقتاردىڭ ەكٸ اپتادان بەرٸ قازاقستانعا جٸبەرٸلمەي جاتقاندىعى جٶنٸندەگٸ اقپارات شىندىققا جاناسپايدى, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
«ەلەۋمەتتٸك جەلٸلەردە تٷركيياداعى قازاق دياسپوراسى قاراجاتىنان ساتىپ الىنعان مەديتسينالىق ماقساتتاعى بۇيىمدار مەن مەديتسينالىق جابدىقتاردىڭ ەكٸ اپتادان استام ۋاقىت ٸشٸندە قازاقستانعا جٸبەرٸلمەي جاتقاندىعى تۋرالى اقپارات شىندىققا جاناسپايدى. سونىمەن قاتار, ٷكٸمەت بۇل جٷكتٸ قازاقستانعا جەتكٸزۋگە كٶمەك كٶرسەتۋدٸ ەدەيٸ سوزىپ وتىر دەگەن اقپارات نەگٸزسٸز.
وسىعان وراي, قازاقستان رەسپۋبليكاسىنىڭ سىرتقى ٸستەر مينيسترلٸگٸ انكارا مەن ىستانبۇل قالالارىنان تٷركييا ٷكٸمەتٸنەن رەسمي گۋمانيتارلىق كٶمەكتٸ, تٷرٸك قازاقتارى قاۋىمداستىعى (KATEAD) مەن قازاقستان ازاماتتارىنىڭ باستاماشىل توبى ساتىپ العان جٷكتٸ ەلٸمٸزگە جەتكٸزۋدٸ پىسىقتاپ جاتقاندىعىن حابارلايمىز», دەلٸنگەن مينيسترلٸكتٸڭ Telegram-داعى پاراقشاسىندا.
بۇل جٷكتەردٸ جەتكٸزۋدٸڭ جالپى ٷيلەستٸرۋ جۇمىستارىن قازاقستاننىڭ تٷركيياداعى ەلشٸلٸگٸ جٷزەگە اسىرادى. سونداي-اق, وسى ىنتىماقتاستىق تۋرالى اقپاراتتى KATEAD سايتىندا جارييالادى.
«جٷكتەردٸ اۆياكومپانييامەن انكارا-الماتى باعىتى بويىنشا جەتكٸزۋ اعىمداعى جىلدىڭ 14 شٸلدەسٸنە جوسپارلانعان.
وسى رەتتە جالعان نەمەسە تەكسەرٸلمەگەن اقپاراتتى تاراتپاۋدى سۇرايمىز», دەلٸنگەن حابارلامادا.
