Foto: t.me/pressmfakz
Syrtqy ister ministrligi shetelde sailaýǵa arnalǵan biýlletenderdiń jetpeýine qatysty pikir bildirdi, - dep habarlaidy Tengrinews.kz.
Syrtqy ister ministrliginiń baspasóz hatshysy Aibek Smadiiarov eki elde ǵana biýlleten jetispeýshiligi baiqalǵanyn aitty. Onyń aitýynsha, sheteldegi qazaqstandyqtar elshilikte daýys berýdi qalaitynyn aldyn ala eskertpegen.
"Bul joly talapkerlerdiń kóbeiýi tańǵaldyrdy. Jastar, óskeleń urpaq belsendilik tanytty, tipti kei jerlerde biýlletender de jetpei qaldy. Olar keletinin aitpaǵan. Qazaqstandyqtardyń kóbi barar kezde aldyn ala eskertpeidi. Olar sailaý bolatynyn biledi, bul bir kúnde jariialanǵan oqiǵa emes. Olar basqa elge baratynyn biledi, bilet pen vizany aldyn ala alady. Sondyqtan, kelgenderdiń kópshiligi elshilikke baryp, daýys bergisi keletinin aitady, biraq kei jerde biýlleten joq", - dedi Smadiiarov.
Ol baǵyt aldyn ala oilastyrylǵandyqtan, biýlletenderdi shetelge jetkizý ońai emes ekenin atap ótti.
"El ishinde bir ýchaskede biýlleten jetpei qalsa, Ortalyq sailaý komissiiasy jetispeitin biýlletenderdi ákelip beredi. Biýlletenderdi jetkizý ońai emes, marshrýt aldyn ala oilastyrylǵan. Olarǵa qarjyny aldyn ala josparlap qoiamyz", - dep túsindirdi Smadiiarov.
