Foto: t.me/pressmfakz
Burynǵy Qarjy ministri Qýandyq Bishimbaevqa qatysty júrip jatqan is Qazaqstannyń álem aldyndaǵy bedeline áser ete me? Bul suraqqa Syrtqy Ister Ministrliginiń resmi ókili Aibek Smadiiarov jýrnalistermen brifingte jaýap berdi dep habarlaidy "Ult Aqparat".
Jýrnalister Smadiiarovtan Bishimbaevtyń ústinen qozǵalyp jatqan shýly iske bailanysty álemniń túkpir-túkpirinde mitingiler ótip jatqany el immidjine keri áser etpei me dep surady.
"Bálkim, ony bizde bolyp jatqan sot isine ýaiymdap jatqan qarapaiym azamattar uiymdastyrǵan shyǵar. Búgin Memleket basshysy zańǵa qol qoidy (turmystyq zorlyq-zombylyq týraly, red.). Meniń oiymsha, Qazaqstannyń imidjine ziian joq. Kerisinshe, kóptegen aimaqtyq seriktestermen salystyrǵanda biz alda kele jatyrmyz. Bul bizdiń halyqtyń sheteldegi azamattyq ustanymynyń qalypty kórinisi. Jastardyń buǵan óte belsendi qatysyp, óz ustanymyn kórsetip jatqany qýantady", - dep jaýap berdi SIM resmi ókili.
