Syrtqy ister ministrligi ókili Qytai túrmesinde ómir boiy jazasyn ótep jatqan qazaqstandyq Aqjarqyn Turlybaiǵa qatysty pikir bildirdi, - dep habarlaidy Tengrinews.kz agenttigi.
SIM baspasóz qyzmetiniń málimetinshe, qazir Aqjarqyn Turlybaidy Qazaqstanǵa berý máselesi pysyqtalyp jatyr.
"Qazir eki eldiń bas prokýratýrasy arasynda jaza merzimin odan ári óteý úshin ony Qazaqstanǵa berý múmkindigine qatysty tiisti jumystar jalǵasyp jatyr", - dedi vedomstvonyń baspasóz qyzmeti ókili.
Qazaqstandyq diplomattar Aqjarqyn Turlybaimen únemi bailanysta.
"Ol aǵylshyn jáne qytai tilderin úirenip jatyr. Densaýlyǵyna qatysty shaǵym joq, kóńil kúii qalypty", - delingen SIM habarlamasynda.
Eske salaiyq, buǵan deiin Advokat Suńqar Nurmaǵambetov Aqjarqyn Turlybaiǵa qatysty mán-jaidy túsindirgen bolatyn. Onyń aitýynsha, Qytai túrmesine ómir boiyna sottalǵan qazaqstandyqty ekstraditsiialaý týraly oilaý áli erte. Másele áli sheshilgen joq.
"Qazaqstan Respýblikasynyń sottalǵan azamattaryn elge qaitarý 2015 jyldyń 30 qyrkúieginde Beijińde qol qoiylǵan ekijaqty kelisimmen retteledi. Mundai kelisim barlyq elde joq. Bul fakt!
Elge qaitarý myna protsedýralardan turady:
- Úkimdi ómir boiyna bas bostandyǵynan aiyrýdan bas bostandyǵynan aiyrýǵa (merzim boiynsha eseptelgen) qaita qaraý týraly qaýly elge qaitarýǵa tikelei yqpal etedi.
- QR Bas prokýratýrasyna sottalýshyny elge qaitarý týraly ótinishhat joldaý. *Ótinishhatty men 2016 jyldyń sáýirinde bastadym.
- BP men QR SIM-niń Qytai tarapymen baǵdarlamany oryndaý boiynsha ózara is-qimyly.
Óte mańyzdy sát. Biyl jaza qaita qaralýy múmkin", - dedi Nurmaǵambetov.
