سىرتقى ٸستەر مينيسترلٸگٸ ٶكٸلٸ قىتاي تٷرمەسٸندە ٶمٸر بويى جازاسىن ٶتەپ جاتقان قازاقستاندىق اقجارقىن تۇرلىبايعا قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
سٸم باسپاسٶز قىزمەتٸنٸڭ مەلٸمەتٸنشە, قازٸر اقجارقىن تۇرلىبايدى قازاقستانعا بەرۋ مەسەلەسٸ پىسىقتالىپ جاتىر.
"قازٸر ەكٸ ەلدٸڭ باس پروكۋراتۋراسى اراسىندا جازا مەرزٸمٸن ودان ەرٸ ٶتەۋ ٷشٸن ونى قازاقستانعا بەرۋ مٷمكٸندٸگٸنە قاتىستى تيٸستٸ جۇمىستار جالعاسىپ جاتىر", - دەدٸ ۆەدومستۆونىڭ باسپاسٶز قىزمەتٸ ٶكٸلٸ.
قازاقستاندىق ديپلوماتتار اقجارقىن تۇرلىبايمەن ٷنەمٸ بايلانىستا.
"ول اعىلشىن جەنە قىتاي تٸلدەرٸن ٷيرەنٸپ جاتىر. دەنساۋلىعىنا قاتىستى شاعىم جوق, كٶڭٸل كٷيٸ قالىپتى", - دەلٸنگەن سٸم حابارلاماسىندا.
ەسكە سالايىق, بۇعان دەيٸن ادۆوكات سۇڭقار نۇرماعامبەتوۆ اقجارقىن تۇرلىبايعا قاتىستى مەن-جايدى تٷسٸندٸرگەن بولاتىن. ونىڭ ايتۋىنشا, قىتاي تٷرمەسٸنە ٶمٸر بويىنا سوتتالعان قازاقستاندىقتى ەكستراديتسييالاۋ تۋرالى ويلاۋ ەلٸ ەرتە. مەسەلە ەلٸ شەشٸلگەن جوق.
"قازاقستان رەسپۋبليكاسىنىڭ سوتتالعان ازاماتتارىن ەلگە قايتارۋ 2015 جىلدىڭ 30 قىركٷيەگٸندە بەيجٸڭدە قول قويىلعان ەكٸجاقتى كەلٸسٸممەن رەتتەلەدٸ. مۇنداي كەلٸسٸم بارلىق ەلدە جوق. بۇل فاكت!
ەلگە قايتارۋ مىنا پروتسەدۋرالاردان تۇرادى:
- ٷكٸمدٸ ٶمٸر بويىنا باس بوستاندىعىنان ايىرۋدان باس بوستاندىعىنان ايىرۋعا (مەرزٸم بويىنشا ەسەپتەلگەن) قايتا قاراۋ تۋرالى قاۋلى ەلگە قايتارۋعا تٸكەلەي ىقپال ەتەدٸ.
- قر باس پروكۋراتۋراسىنا سوتتالۋشىنى ەلگە قايتارۋ تۋرالى ٶتٸنٸشحات جولداۋ. *ٶتٸنٸشحاتتى مەن 2016 جىلدىڭ سەۋٸرٸندە باستادىم.
- بپ مەن قر سٸم-نٸڭ قىتاي تاراپىمەن باعدارلامانى ورىنداۋ بويىنشا ٶزارا ٸس-قيمىلى.
ٶتە ماڭىزدى سەت. بيىل جازا قايتا قارالۋى مٷمكٸن", - دەدٸ نۇرماعامبەتوۆ.
