Sitsiliiadaǵy jaǵajaida kútpegen jaǵdai boldy. Demalyp júrgen týrister kenetten teńizde aqsha toltyrylǵan paketterdiń júzip júrgenin baiqaǵan. Keiin adamdar teńizden jalpy somasy 670 myń eýro qolma-qol aqsha alyp shyqqan, dep habarlaidy ult.kz.
Oqiǵa Italiianyń Santa-Kroche-Kamerina qalasynyń jaǵalaýynda bolǵan.
Maltadan shyqqan qaiyq qozǵaltqyshy isten shyqqandyqtan, Italiia jaǵalaýyna jaqyn jerde toqtap qalǵan. Osydan keiin jaǵalaý kúzeti oqiǵa ornyna iahta jiberip, qaiyqtaǵy er adam men segiz jastaǵy balany bortqa alǵan.
Alaida keiin iahtada taǵy eki er adamnyń bolǵany anyqtalǵan. Olardyń biri teńizge tońazytqyshty laqtyryp jibergen.
Biraz ýaqyttan soń týrister býma-býma aqsha toly Lidl sýpermarketiniń eki paketin tapqan.
Belgisiz er adamdardyń ekeýi teńizge túsip, jaǵajaiǵa qarai júzip ketken. Quqyq qorǵaý organdary olardyń birin ustaǵan, al ekinshisi áli izdestirilip jatyr.
Foto: skrinshot
Aqsha Sitsiliia jaǵalaýyna qalai túsken?
Aqsha salynǵan paketterdi tolqyn jaǵalaýǵa shyǵaryp tastaǵan. Olardy taýyp alǵan týrister aqshany ózderinde qaldyrmaq bolǵan. Alaida kóp uzamai jaǵalaý kúzeti men qarjy politsiiasy kelip, aqshany tárkilegen.
Tergeý málimetinshe, teńizden barlyǵy 670 myń eýro tabylǵan. Aqshanyń basym bóligi tárkilenip, keiin quqyq qorǵaý organdaryna tapsyrylǵan.
Oqiǵaǵa Malta azamattary, 20-30 jas aralyǵyndaǵy úsh er adam kúdikke ilingen. Olardyń ekeýi ustalyp, urlanǵan múlikti iemdendi degen aiyp taǵylǵan. Sonymen qatar qarjy politsiiasy qolma-qol aqshany zańsyz ákelgeni úshin olarǵa aiyppul salǵan.
Qazir ustalǵandar túsinikteme berýden bas tartyp otyr. Al úshinshi kúdikti áli anyqtalmaǵan jáne bostandyqta júr.
Qaiyq pen qolma-qol aqsha tárkilendi. Prokýratýra bul oqiǵaǵa qatysty tergeý bastady.
Iahtada bolǵan segiz jastaǵy bala áleýmettik qyzmetterdiń qaraýyna berildi. Ol italian tilinde sóilemeidi. Sonymen qatar balanyń ustalǵan eki er adamǵa týystyq qatysy joq ekeni anyqtalǵan. Qazir quqyq qorǵaý organdary onyń ata-anasyn izdep jatyr.
Al 670 myń eýronyń qaidan shyqqany ázirge belgisiz. Tergeýshiler birneshe nusqany qarastyryp jatyr. Sonyń ishinde aqsha esirtki saýdasynan túsken nemese aqshany jylystatýǵa qatysy bolýy múmkin degen boljam bar.
Aita keteiik, Italiiada Sitsiliia jaǵalaýyndaǵy Santa-Mariia jeke araly 15 million eýroǵa satylymǵa qoiylǵan. Araldyń aýmaǵy shamamen 11,5 gektar. Onyń ishinde sándi jyljymaityn múlik pen tarihi nysandar ornalasqan.
