Qasym-Jomart Toqaevtyń atyna QHR tóraǵasy Si Tszinpinniń quttyqtaý jedelhaty kelip tústi, - dep habarlaidy "Ult aqparat" Aqordaǵa silteme jasap.
Qazaqstan Respýblikasynyń Prezidenti laýazymyna qaita sailanýyna bailanysty Qasym-Jomart Toqaevtyń atyna Qytai Halyq Respýblikasynyń Tóraǵasy Si Tszinpinniń quttyqtaý jedelhaty kelip tústi.
"Sailaýdaǵy aiqyn jeńisińiz Qazaqstan halqynyń Sizge degen senimin jáne Ózińizdi tolyq qoldaitynyn bildiredi. Sizdiń biregei basshylyǵyńyzben elińizdi reformalaýǵa baǵyttalǵan barlyq bastamańyz tabysty bolatynyna jáne Jańa Qazaqstandy qurý isi ilgerileitinine senimdimin.
Qytai men Qazaqstan arasyndaǵy yntymaqtastyqty damytýǵa erekshe mán beremin jáne diplomatiialyq qatynastardyń ornaǵanyna 30 jyl tolǵan ýaqytta sizdermen birge máńgi ári jan-jaqty strategiialyq seriktestiktiń jańa kezeńine qadam basýǵa daiynmyn", – dep jazylǵan jedelhatta.
