Qytai tóraǵasy Qytai Kommýnistik partiiasynyń (QKP) bas hatshysy bolyp qaita sailandy. Si Tszinpin bul qyzmetinen ózge Qytaidyń joǵarǵy áskeri organy - Ortalyq áskeri keńestiń hatshysy bolyp ekinshi merzimge bekitildi. Odan ózge el premer-ministri Li Ketsian ǵana partiianyń Saiasi biýrosynyń turaqty komitetindegi ornyn saqtap qaldy. Mundai sheshimder Qytai Kommýnistik partiiasynyń HIH sezinde qabyldandy.
24 qazanda QKP Si Tszinpinniń esimi men onyń Qytaidyń damýy týraly ideialaryn partiia jarǵysyna engizgen. Reuters agenttiginiń habarlaýynsha, buǵan deiin Mao Tszedýnnyń ǵana esimi ǵana onyń tiri kezinde partiia jarǵysynda atalǵan. QKP jarǵysyna Si Tszinpinniń korrýptsiiamen kúreske, Qytai men Eýropa, Ortalyq Aziia, Resei, Jerorta teńizi jáne Parsy shyǵanaǵy elderimen bailanystyratyn ekonomikalyq dálizder qurýǵa qatysty bastamalary jáne Qytai qarýly kúshterine QKP-niń baqylaý ornatýy týraly ideialary qosylǵan.
Si Tszinpin Qytai Kommýnistik partiiasyn 2012 jyldan beri basqaryp keledi. 2013 jyly ol Qytai tóraǵasy bolǵan.
