قىتاي تٶراعاسى قىتاي كوممۋنيستٸك پارتيياسىنىڭ (قكپ) باس حاتشىسى بولىپ قايتا سايلاندى. سي تسزينپين بۇل قىزمەتٸنەن ٶزگە قىتايدىڭ جوعارعى ەسكەري ورگانى - ورتالىق ەسكەري كەڭەستٸڭ حاتشىسى بولىپ ەكٸنشٸ مەرزٸمگە بەكٸتٸلدٸ. ودان ٶزگە ەل پرەمەر-مينيسترٸ لي كەتسيان عانا پارتييانىڭ ساياسي بيۋروسىنىڭ تۇراقتى كوميتەتٸندەگٸ ورنىن ساقتاپ قالدى. مۇنداي شەشٸمدەر قىتاي كوممۋنيستٸك پارتيياسىنىڭ حٸح سەزٸندە قابىلداندى.
24 قازاندا قكپ سي تسزينپيننٸڭ ەسٸمٸ مەن ونىڭ قىتايدىڭ دامۋى تۋرالى يدەيالارىن پارتييا جارعىسىنا ەنگٸزگەن. Reuters اگەنتتٸگٸنٸڭ حابارلاۋىنشا, بۇعان دەيٸن ماو تسزەدۋننىڭ عانا ەسٸمٸ عانا ونىڭ تٸرٸ كەزٸندە پارتييا جارعىسىندا اتالعان. قكپ جارعىسىنا سي تسزينپيننٸڭ كوررۋپتسييامەن كٷرەسكە, قىتاي مەن ەۋروپا, ورتالىق ازييا, رەسەي, جەرورتا تەڭٸزٸ جەنە پارسى شىعاناعى ەلدەرٸمەن بايلانىستىراتىن ەكونوميكالىق دەلٸزدەر قۇرۋعا قاتىستى باستامالارى جەنە قىتاي قارۋلى كٷشتەرٸنە قكپ-نٸڭ باقىلاۋ ورناتۋى تۋرالى يدەيالارى قوسىلعان.
سي تسزينپين قىتاي كوممۋنيستٸك پارتيياسىن 2012 جىلدان بەرٸ باسقارىپ كەلەدٸ. 2013 جىلى ول قىتاي تٶراعاسى بولعان.
