QHR Prezidenti Si Tszinpin Islam Kárimovqa densaýlyǵynyń jaqsarýyn tiledi, - dep habarlaidy kaz.tengrinews.kz Ózbekstan Prezidentiniń saityna silteme jasap.
"Ózbekstan Respýblikasynyń egemendigine 25 jyl tolýyna orai qytai halqynyń jáne óz atymnan sizge jáne dostas Ózbekstan halqyn shyn júrekten quttyqtaimyn. 25 jyldyń ishinde prezident myrzanyń turaqty basqarýynyń arqasynda turaqtylyq, ekonomikalyq úderis, halyqaralyq elder arasynda bedeli joǵarylap, memlekettik qurylymy nyǵaia tústi. Kórip otyrǵanymyzdai, memleket basshysynyń ómirlik kúshke ie, sondyqtan ol kisiniń jasaǵany barlyǵymyzǵa úlgi", - delingen Qytai basshysynyń Islam Kárimovqa joldaǵan hatynda.
"Men qytai-ózbek qarym-qatynastaryn jáne ekeýimizdiń dostyǵymyzdy óte joǵary baǵalaimyn. Elińizge órkendep, qýatty bola túsýin tileimin, halqyńyzǵa baqyt pen amandyqty tileimin. Prezidentke myqty densaýlyq jáne jumysta tabys tileimin!", - delingen hatta.
Sondai-aq Ózbekstan Prezidentiniń saitynda Barak Obamanyń haty jariialanǵan. "Eki el arasynda seriktestik qarym qatynastar 1991 jyly 25 jeltoqsanda Amerika Qurama Shtattary Ózbekstannyń egemen el ekenin birinshi bolyp moiyndaǵannan beri joǵary deńgeide júrgizilip keledi. Eki el arasyndaǵy qarym-qatyna bolashaqta da óz jalǵasyn tabady dep senemin", - delingen AQSh prezidentiniń joldaýynda.
Ózbekstanda el táýelsizdiginiń 25 jyldyǵyna orai 31 tamyzǵa belgilengen saltanatty sharalar keiinge qaldyryldy.
Esterińizge sala keteiik, 29 tamyz kúni Ózbekstan Prezidenti Islam Kárimov aýrýhanaǵa túsken bolatyn. Ózbekstan prezidenti Islam Kárimovtiń kenje qyzy Lola Kárimova -Tilliaeva Facebook jelisinde ákesiniń miyna qan ketkenin aitty.
Ult portaly
