QHR tóraǵasy Si Tszinpin «Bir beldeý, bir jol» halyqaralyq yntymaqtastyq forýmynyń «Ózara yntymaqtastyq úshin birlesken is-qimyl» sessiiasynda Eýraziianyń tranzittik-kólik áleýetin damytýdaǵy Qazaqstannyń róline joǵary baǵa berdi, dep habarlaidy «QazAqparat» HAA-nyń Qytaidaǵy menshikti tilshisi.
«Qazaqstan infraqurylymdyq qurylysty damytýda belsendi ról oinap, kóp kóńil bólýde, transshekaralyq kólik-logistikalyq júieni qalyptastyrýǵa joǵary deńgeide atsalysyp jatyr», - dedi Qytai kóshbasshysy Qazaqstan Prezidenti Nursultan Nazarbaevtyń sóilegen sózine pikir bildire otyryp.
Si Tszinpin Qazaqstan belsendi túrde qoldaý tanytyp otyrsa, Eýraziiadaǵy infraqurylymnyń sabaqtastyq deńgeii joǵarylap, «Jańa Eýraziiadaǵy qurlyqtyq kópirdiń» logistikalyq jáne kóliktik áleýeti tutasymen damitynyna senim bildirdi.
Eske salaiyq, Nursultan Nazarbaev «Bir beldeý, bir jol» atty halyqaralyq yntymaqtastyq boiynsha joǵary deńgeidegi forýmǵa qatysýymen qatar, QHR-ǵa eki kúndik resmi saparmen keldi.
