قحر تٶراعاسى سي تسزينپين «بٸر بەلدەۋ, بٸر جول» حالىقارالىق ىنتىماقتاستىق فورۋمىنىڭ «ٶزارا ىنتىماقتاستىق ٷشٸن بٸرلەسكەن ٸس-قيمىل» سەسسيياسىندا ەۋرازييانىڭ ترانزيتتٸك-كٶلٸك ەلەۋەتٸن دامىتۋداعى قازاقستاننىڭ رٶلٸنە جوعارى باعا بەردٸ, دەپ حابارلايدى «قازاقپارات» حاا-نىڭ قىتايداعى مەنشٸكتٸ تٸلشٸسٸ.
«قازاقستان ينفراقۇرىلىمدىق قۇرىلىستى دامىتۋدا بەلسەندٸ رٶل ويناپ, كٶپ كٶڭٸل بٶلۋدە, ترانسشەكارالىق كٶلٸك-لوگيستيكالىق جٷيەنٸ قالىپتاستىرۋعا جوعارى دەڭگەيدە اتسالىسىپ جاتىر», - دەدٸ قىتاي كٶشباسشىسى قازاقستان پرەزيدەنتٸ نۇرسۇلتان نازارباەۆتىڭ سٶيلەگەن سٶزٸنە پٸكٸر بٸلدٸرە وتىرىپ.
سي تسزينپين قازاقستان بەلسەندٸ تٷردە قولداۋ تانىتىپ وتىرسا, ەۋرازيياداعى ينفراقۇرىلىمنىڭ ساباقتاستىق دەڭگەيٸ جوعارىلاپ, «جاڭا ەۋرازيياداعى قۇرلىقتىق كٶپٸردٸڭ» لوگيستيكالىق جەنە كٶلٸكتٸك ەلەۋەتٸ تۇتاسىمەن داميتىنىنا سەنٸم بٸلدٸردٸ.
ەسكە سالايىق, نۇرسۇلتان نازارباەۆ «بٸر بەلدەۋ, بٸر جول» اتتى حالىقارالىق ىنتىماقتاستىق بويىنشا جوعارى دەڭگەيدەگٸ فورۋمعا قاتىسۋىمەن قاتار, قحر-عا ەكٸ كٷندٸك رەسمي ساپارمەن كەلدٸ.
