Shańhai yntymaqtastyq uiymy hatshylyǵynda «Ortalyq Aziia elderiniń investitsiialyq áleýeti – ShYU sheńberinde birlesken jobalardy iske asyrý múmkindikteri men keleshegi» atty forým ótti, dep habarlaidy "Ult aqparat" SIM resmi saityna silteme jasap.
Is-sharany «Qytai – ShYU» Óńirlik saýda-ekonomikalyq yntymaqtastyq aimaǵy Ákimshilik komitetiniń (Tsindao q.) qoldaýymen ShYU hatshylyǵy men Shetelde kásiporyndardy damytý jónindegi qytailyq qaýymdastyq (CODA) uiymdastyrdy.
Forýmǵa iri qytailyq kompaniialardyń top-menedjerleri, memlekettik organdardyń, qoǵamdyq uiymdardyń jáne BAQ ókilderi, jalpy sany 100-den asa adam qatysty. Olarǵa ShYU múshe memleketter: Qazaqstan, Qyrǵyzstan, Tájikstan jáne Ózbekstannyń saýda-ekonomikalyq áleýeti, sondai-aq olardyń investitsiialardy qoldaý salasyndaǵy saiasaty tanystyryldy.
Qytailyq kásipkerlerge «Kazakh Invest «UK» AQ, «Samuryq-Qazyna «UÁQ» AQ jáne «Astana» halyqaralyq qarjy ortalyǵynyń QHR-daǵy bas ókilderi Qazaqstandaǵy iskerlik ahýal týraly, sondai-aq eldegi investitsiialyq múmkindikter jóninde aityldy.
Sonymen qatar, forým aiasynda paneldik sessiiada Qazaqstannyń Qytaidaǵy Elshisi Ǵabit Qoishybaev qatysýshylardy memleketimizdiń ekonomikalyq damýdaǵy jetistikterimen, Qazaqstan-Qytai saýda-ekonomikalyq yntymaqtastyǵynyń keleshegi erekshe mol baǵyttarymen, sondai-aq eldegi investitsiialyq ahýaldy odan ári jaqsartý boiynsha Qazaqstan Úkimeti atqaryp jatqan jumystarmen tanystyrdy.
Forýmnyń sońynda V2V úlgisinde birqatar iskerlik kezdesýler ótti, olardyń barysynda múddeli taraptar naqty kelissózder júrgizip, yntymaqtastyqtyń aldaǵy qadamdaryn talqylady.
