شاڭحاي ىنتىماقتاستىق ۇيىمى حاتشىلىعىندا «ورتالىق ازييا ەلدەرٸنٸڭ ينۆەستيتسييالىق ەلەۋەتٸ – شىۇ شەڭبەرٸندە بٸرلەسكەن جوبالاردى ٸسكە اسىرۋ مٷمكٸندٸكتەرٸ مەن كەلەشەگٸ» اتتى فورۋم ٶتتٸ, دەپ حابارلايدى "ۇلت اقپارات" سٸم رەسمي سايتىنا سٸلتەمە جاساپ.
ٸس-شارانى «قىتاي – شىۇ» ٶڭٸرلٸك ساۋدا-ەكونوميكالىق ىنتىماقتاستىق ايماعى ەكٸمشٸلٸك كوميتەتٸنٸڭ (تسينداو ق.) قولداۋىمەن شىۇ حاتشىلىعى مەن شەتەلدە كەسٸپورىنداردى دامىتۋ جٶنٸندەگٸ قىتايلىق قاۋىمداستىق (CODA) ۇيىمداستىردى.
فورۋمعا ٸرٸ قىتايلىق كومپانييالاردىڭ توپ-مەنەدجەرلەرٸ, مەملەكەتتٸك ورگانداردىڭ, قوعامدىق ۇيىمداردىڭ جەنە باق ٶكٸلدەرٸ, جالپى سانى 100-دەن اسا ادام قاتىستى. ولارعا شىۇ مٷشە مەملەكەتتەر: قازاقستان, قىرعىزستان, تەجٸكستان جەنە ٶزبەكستاننىڭ ساۋدا-ەكونوميكالىق ەلەۋەتٸ, سونداي-اق ولاردىڭ ينۆەستيتسييالاردى قولداۋ سالاسىنداعى ساياساتى تانىستىرىلدى.
قىتايلىق كەسٸپكەرلەرگە «Kazakh Invest «ۇك» اق, «سامۇرىق-قازىنا «ۇەق» اق جەنە «استانا» حالىقارالىق قارجى ورتالىعىنىڭ قحر-داعى باس ٶكٸلدەرٸ قازاقستانداعى ٸسكەرلٸك احۋال تۋرالى, سونداي-اق ەلدەگٸ ينۆەستيتسييالىق مٷمكٸندٸكتەر جٶنٸندە ايتىلدى.
سونىمەن قاتار, فورۋم اياسىندا پانەلدٸك سەسسييادا قازاقستاننىڭ قىتايداعى ەلشٸسٸ عابيت قويشىباەۆ قاتىسۋشىلاردى مەملەكەتٸمٸزدٸڭ ەكونوميكالىق دامۋداعى جەتٸستٸكتەرٸمەن, قازاقستان-قىتاي ساۋدا-ەكونوميكالىق ىنتىماقتاستىعىنىڭ كەلەشەگٸ ەرەكشە مول باعىتتارىمەن, سونداي-اق ەلدەگٸ ينۆەستيتسييالىق احۋالدى ودان ەرٸ جاقسارتۋ بويىنشا قازاقستان ٷكٸمەتٸ اتقارىپ جاتقان جۇمىستارمەن تانىستىردى.
فورۋمنىڭ سوڭىندا ۆ2ۆ ٷلگٸسٸندە بٸرقاتار ٸسكەرلٸك كەزدەسۋلەر ٶتتٸ, ولاردىڭ بارىسىندا مٷددەلٸ تاراپتار ناقتى كەلٸسسٶزدەر جٷرگٸزٸپ, ىنتىماقتاستىقتىڭ الداعى قادامدارىن تالقىلادى.
