Videokonferentsiia arqyly bailanysta Shanhai yntymaqtastyq uiymyna múshe memleketterdiń densaýlyq saqtaý ministrleriniń otyrysy ótip jatyr, dep habarlaidy QazAqparat.
«Ózderińiz biletindei, 2020 jyly Resei Federatsiiasy Shanhai Yntymaqtastyq uiymynda tóraǵalyǵyn jalǵastyrady. Reseilik taraptyń tóraǵalyǵy aiasynda densaýlyq saqtaý salasynda birqatar shara josparlanǵan bolatyn. ShYU-ǵa múshe memleketterdiń densaýlyq saqtaý ministrleriniń sońǵy otyrysy 2015 jyly ótken edi. Sońǵy bes jylda uiymǵa múshe memleketterdiń ministrleriniń otyrysy ótken emes», - dedi jiynda RF densaýlyq saqtaý ministri Mihail Mýrashko.
Onyń aitýynsha, ShYU jahandyq jáne aimaqtyq problemalardy sheshý jolynda tiimdi alań bolyp otyr.
«Búgin biz indetpen kúreste memleketterimizdiń basty jetistikterin talqylaýǵa jáne osy baǵyttaǵy bolashaqtaǵy áreketterden kútetin tujyrym jasaýǵa jinaldyq. Búgingi talqylanǵan máseleler ShYU-ǵa múshe memleketter basshylarynyń Sankt-Peterbýrgtegi aldaǵy otyrysynyń sheshimderine negiz bolady dep úmittenemiz», - dedi ministr.
Kezdesý barysynda taraptar otyrystyń kún tártibin bekitti.
Otyrysta Resei, Úndistan, Qazaqstan, Qyrǵyzstan, Tájikstan, Ózbekstan densaýlyq saqtaý ministrleri, sondai-aq Pákistan premer-ministriniń arnaiy kómekshisi, QHR Memlekettik densaýlyq saqtaý komitetiniń basshysy ShYU múshe-memleketterindegi qazirgi jaǵdai týraly baiandama jasaidy.
Sondai-aq ShYU Bas hatshysy, DDSU ókili, sondai-aq ShYU baiqaýshy memleketterdiń delegatsiia basshylary sóz sóileidi.
