Shymkent qalasy kúni merekesi qarsańynda jýrnalister men blogerler arasynda «Shyraily Shymkent» atty respýblikalyq baiqaý jariialanǵan bolatyn. Qala imidjin kóterýge shyǵarmashylyq qarymymen úles qosqan BAQ ókilderi arasyndaǵy baiqaý óz máresine jetti, dep habarlaidy QazAqparat tilshisi.
Alty ai boiyna jalǵasqan jarysta jeńimpazdar toǵyz nominatsiia boiynsha marapattaldy. «Shymkent qalasy týraly áleýmettik jelilerdegi (blogerler arasynda) úzdik jariialanym» boiynsha Ashat Shotaev, «Baspacózdegi (gazet, jýrnaldar) úzdik jariialanym» nominatsiiasymen Liýbov Dobrota marapattaldy. Maqsat Ássándi «Shymkent qalasy týraly aimaqtyq deńgeidegi saittarda úzdik jariialanym», Jansaia Táýekelqyzy «Shymkent qalasy týraly respýblikalyq deńgeidegi saittarda úzdik jariialanym», Erbolat Muhamedjan «Shymkent qalasy týraly telearnalardaǵy úzdik siýjet» nominatsiialaryn jeńip aldy.
Al, qala týraly úzdik esse jazǵan Shynar Júnisbekova, úzdik foto-video materialdar túsirgen Bereke Seiitjappar, qalany tanystyrý týraly kreativti materialdar jariialaǵan Aigúl Amitovalar da jeńimpaz atandy. «Qala turǵyndarynyń ómiri men dástúri jaily úzdik foto-video materialdar» nominatsiiasy Dáýren Aimanbetovke buiyrdy. Qatysýshylarǵa qala ákiminiń «Alǵys haty» jáne arnaiy syilyqtar tabys etilse, jeńimpazdarǵa 100 000 teńge syiaqy berildi.Júldegerlerdi marapattaý rásimine qatysqan Shymkent qalasy ákiminiń orynbasary Qairat Yrzaqululy qatysýshylarǵa alǵysyn bildirdi.
«Bul baiqaýdy jyl saiyn uiymdastyrýdy qolǵa aldyq. Elbasy Nursultan Ábishuly Nazarbaev Shymkenttiń respýblikamyzdaǵy úshinshi megapoliske ainalýy kerektigin atap ótkendei, qalamyzdyń árbir turǵyny osy mártebege jetý jolynda aianbai eńbek etýi kerek. Bul baǵytta qoǵam belsendileri, blogerler men jýrnalisterdiń orny erekshe», - deidi Qairat Nurtai.
Kesh sońy kontserttik baǵdarlamaǵa ulasyp, kofe breik uiymdastyryldy.
