"Ǵalymdar A.V. Anohin atyndaǵy Altai Respýblikasy Ulttyq Murajaiynda saqtalǵan Shyńǵyshannyń qoljazbasynyń qupiiasyn sheshti", - dep habarlaidy Ult.kz tilshisi QazAqparat agenttigine silteme jasap.
«Aqyl kilti» qoljazbasy XIII-XIV ǵasyrlardaǵy kóne mońǵol tilinde jazylǵan. Bul ǵylymǵa belgili eń ejelgi mońǵol qoljazbalarynyń biri, - dep jazdy «Komsomolskaia pravda».
Taýly altai murajaiy qyzmetkerleriniń habarlaýynsha, qoljazba sýtra úzindilerin qamtidy. Kóp paraǵy joǵalyp qalǵan. Ǵalymdardyń pikirinshe, qoljazbany hat jazýǵa jattyǵý úshin paidalanǵan bolýy múmkin. Paraqshalarda ejelgi mońǵol álipbii men jazý úlgisi bar.
Mátindi úsh adam jazǵanǵa uqsaidy. Mysaly, olardyń biriniń jazýy ádemi. Ǵalymdar bul muǵalimniń ne jazýǵa mashyqtanǵan adamnyń jazýy ekenin aitady. Qalǵan eki jazý jańa jazyp úirengender siiaqty. Mátindi bambýk taiaqshalarymen jáne qylqalammen jazǵan. Joǵarydan tómen qarai jazylǵan klassikalyq mońǵol haty, joldar ońnan solǵa qarai ornalasqan.
Shyńǵyshannyń joldaýyn RǴA SB filologiia institýtynyń bas ǵylymi qyzmetkeri Irina Nevskaianyń basshylyǵymen ǵylymi dissertatsiia qorǵaý aiasynda germaniialyq ýniversitettiń stýdenti Herlen Bold sheshti.
Sýtra balalardy tárbieleý kezinde tapsyrma, ósiet túrinde aýyzsha taratylǵan bolýy múmkin. Bastapqyda ony Shyńǵyshannyń ózi aitqan. Aýyzdan-aýyzǵa tarap, qolbasshynyń joldaýy qatty ózgeriske ushyraǵan.
Jazbada Shyńǵyshannyń keiingi urpaqqa keńesteri jazylǵan, onda «senimsizdik týdyrǵan adamǵa syryńdy ashýdyń qajeti joq» delingen.
Sondai-aq, Shyńǵyshan keńesterinde: «áielderdiń sózine asa senbeýge» úndegen. «Qul arqyly ulyńa buiryq berme», «jaýyz nemese ishi tar adammen keńespe», «kópshilik adam maquldaǵandy teriske shyǵarma» degen úzindiler bar.
