«Amerika qalai? Qazaqstan 50 jylǵa qalyp qoiǵan shyǵar?» Osy suraq sońǵy ýaqytta kóp qoiylyp júr.
Damýdan qalǵany nemese ozǵany jóninde ýaqyt ólshemimen qalai dálel keltirýge bolady?Degenmen, osy saýaldyń jaýabyna jaqyndaǵan siiaqtymyn.
AQSh táýelsizdigin 1776 jyly jariialaǵan. Biz 215 jyldan soń egemendik alyppyz.
Sýrettegi aspaly kópir – Brýklin bridj. Qurylysy 1869 jyly bastalyp, 1883 jyly aiaqtalǵan. Osy kezeńde Qazaqstanda handyq bilik joiylyp, bas kótergenniń basy alynyp, onyń sońy 1868 jyly búkil qazaq jeriniń Resei imperiiasy memlekettik menshigine ótýimen aiaqtalady.
Kelesi sýret Empair Steit Bildingtiń ústinde túsirilgen. 102 qabatty ǵimarat 1931 jyly ashylǵan. Bir jyl bir aida salynǵan. 1970 jylǵa deiin álemdegi eń biik ǵimarat bolǵan. Qazir biiktigi jóninen 34-orynda. Al bizde osy kezeńde halqymyzdyń jartysy asharshylyqtan qyrylyp qaldy, kóship-bosyp ketti.
AQSh jer kólemi boiynsha 4-orynda, Qazaqstan 9-orynda, adam sany boiynsha 3-orynda, biz 64-oryndamyz.
Amerikany eki muhit tolqynymen terbep jatyr. Bizdiń muhitqa shyǵar jolymyz joq.
«Damý» degen kóbine ekonomikalyq kategoriia. Sondyqtan Qazaqstan pálenshe jylǵa qalyp qoidy dep aitý qiyn. Joǵarydaǵy saiasi, tarihi, geografiialyq, demografiialyq jaǵdailardy, odan bólek basqa da sýbektivti-obektivti jáiittardy eskersek, álemdik ishki jalpy ónim boiynsha AQSh ekonomikasy bizden 8100 ese ozyp ketipti.
